RFL
Kigali

Claude Kabanda 'Kimisagara' wakiniye Rayon Sports yitabye Imana

Yanditswe na: SAFARI Garcon
Taliki:23/10/2020 11:54
0

Ikipe ya Rayon Sports yemeje ko Kabanda Claude wari uzwi ku izina rya Kimisagara wayikiniye imyaka irindwi, yitabye Imana azize indwara y'umutima, akaba yaguye mu Bufaransa aho yari atuye.



Kabanda yari muri Rayon Sports yegukanye igikombe cya shampiyona y'u Rwanda, mbere y'uko begukana icya CECAFA mu 1998, bakuye muri Zanzibar nyuma yo gutsinda Mulandege ku mukino wa nyuma.

Gusa ariko Kabanda ntiyagize amahirwe yo gukina iyi CECAFA kuko atari ku rutonde rw'abakinnyi bajyanye muri Zanzibar.

Rayon Sports ivuga ko Kabanda yayikiniye kuva mu 1993 kugeza mu mwaka wa 2000.

Mu butumwa yanyujije ku rukuta rwayo rwa Twitter, Rayon Sports yagize iti "Kabanda Claude aka Kimisagara yakiniye @rayon_sports kuva 1993 kugeza 2000 . Yitabye Imana ku wa 20/10 /2020 aguye Lyon mu Bufaransa azize indwara y’umutima".

Claude kabanda yari atuye i Lyon mu gihugu cy'u Bufaransa ari naho yaguye.

Ubutumwa Rayon Sports yanyujije ku rukuta rwayo rwa Twitter

Kabanda yari kumwe na Rayon Sports yegukanye igikombe cya shampiyona mbere yuko ijya muri CECAFA yegukanye iyikuye muri Zanzibar





TANGA IGITECYEREZO

Izina ryawe
Email yawe
Andika igitecyerezo

Inyarwanda Art Studio

Inyarwanda Art studio
Inyarwanda BACKGROUND