Espoir FC yasinyishije Sadick Sulley ukomoka muri Ghana, ahita asigara mu bakinnyi 25 iyi kipe izakoresha

Sulley w'imyaka 20 asinyiye ikipe ya Espoir FC amasezerano y'imyaka ibiri avuye mu ikipe ya Legon Cities ikina ikiro cya mbere muri Ghana.

Mu kiganiro yagiranye na InyaRwanda.com, Sadick Sulley yatangaje ko aje gukomeza urugendo rwe mu Rwanda kandi agatwara ibikombe. Yagize ati "Nishimiye kuza gukina muri shampiyona y'u Rwanda kuko ni shampiyona nziza kandi ifite abatoza beza".

Sadick Sulley arikumwe n'umuhagariye ariwe Fire Manager

Sadick asanzwe akinisha ukuguru kw’imoso. Gatera Musa umutoza mukuru w'ikipe ya Espoir FC atangaza ko Sadick ari umukinnyi mwiza kandi yifuje ko yakwambuka ishyamba rya Nyungwe bagafatanya urugendo rw'umwaka w'imikino 2020-2021.

Sadick Sulley agikinira Legon Cities

Ikipe ya Legon Cities Sadick yakiniraga, yashinzwe mu 2006 ikaba yakirira imikino yayo kuri Accara Sports Stadium ijyamo abafana ibihumbi 40. Legon Cities kandi ni yo ibitse igikombe cya Shampiyona ya Ghana 2016 uyu mwaka shampiyona yahagaze iyi kipe iri ku mwanya 10.