Basketball: Hamenyekanye uko amakipe azahura mu mikino ya nyuma

Igikorwa cyabereye muri Kigali Arena kuri iki gicamunsi tariki 13 Ukwakira 2020 amakipe amaze gushyirwa mu matsinda, ku ruhande rw'abagabo bakora amatsinda abiri. Itsinda rya mbere riyobowe na REG ririmo ikipe ya RP-IPRC Musanze, UGB ndetse n'ikipe ya RP-IPRC Kigali. Itsinda rya kabiri riyobowe na APR Basketball club, ririmo ikipe ya Espoir, Patriots ndetse n'ikipe ya RP-IPRC Huye.

Ku ruhande rw'abadamu, amakipe azahura hagati yayo nta matsinda abayeho. Amakipe azakina ni 1RP-IPRC Huye 2 The Hoops Rwanda 3.ubumwe 4.APR. Uko amakipe azahura ikipe ya mbere izahura n'iya 4 ikipe ya 2 ihure n'iya 3

Iyi mikino izatangira tariki 18 kugeza 24 Ukwakira 2020 yose ibere muri Kigali Arena. Mu buryo bwo kurwanya ikwirakwira rya Covid-19 amakipe yose kuruhande ry'abagabo n'abagore azacumbikirwa muri hotel La Palisse i Nyamata, kandi ibizakenerwa byose bizishyurwa na Bank ya Kigali.