Bruce Melodie

  • Full Name: Itahiwacu Bruce
  • Added: Oct 22nd 2012, 10:16
  • Video Songs: 11 - Audio Songs: 17
Bio: Nitwa Bruce Itahiwacu nkoresha izina...Read more

My Biography


Nitwa Bruce Itahiwacu nkoresha izina ry’ubuhanzi rya Bruce Melodie navutse mu 1992, mvukira i Kanombe. Data yitwa Gervain Ntibihangana na Velene Muteteri.
Ndi uwa kabiri mu muryango w’abana bane. Amashuri abanza nayatangiriye ku kigo cyitwa Camp Kanombe, i Kanombe. Amashuri yisumbuye nayatangiriye i Kanombe ahitwa EFOTEC, nza kuyarangiriza ahitwa Islamique i Rwamagana. Ubu ntabwo ndatangira kwiga muri Kaminuza.
Uko yinjiye mu buhanzi
Nakuriye mu kuririmba mu rusengero rwa Kanombe (rw’abarokore), nabahimbiraga indirimbo ariko bakaziha abandi bakaba ari bo bazitera. Ntabwo bampaga umwanya wo kwigaragaza.
Ibyo byarambabaje bituma mbivamo. Nyuma nza kujya muri studio mu 2006, kuri Producer Jackson Daddoey ariko iyo ndirimbo ntabwo yigeze irangira. Uwo muproducer ntabwo yandangirije indirimbo ndetse na murumuna we, Naason, yaje kumpa nawe iyo ndirimbo yaramunaniye. Ibyo byatumye ncika intege nsa nk’uretse umuziki.
Naje gusubira muri studio mu 2010, nkora indirimbo yitwa “Inkovu” ariko kubera amasomo ntabwo nabonye umwanya wo kuyamamaza cyane ngo imenyekane. Naje gusubira muri studio mu 2011, nkora indirimbo yitwa “Ngiye Kubivuga”, nyuma nza gukora “Tubivemo” nyikorewe na Producer Fazzo. Izo nizo ndirimbo nakwita indirimbo zanjye za mbere. “Tubivemo” yo niyo ndirimbo nakoze numva ibaye nk’uko nshaka.
Nyuma yaho nakoze indirimbo yitwa “Telefone” ari nayo ndirimbo nshyashya mfite ubu ngubu. Maze gushyira hanze amashusho y’indirimbo “Tubivemo”, ari nayo ndirimbo yanjye ya mbere nshyiriye amashusho hanze.
Yagiye akorana  n’abandi bahanzi bakomeye mu Rwanda no hanze
Kuririmba mu ndirimbo z’abandi bahanzi ni uko aba bahanzi bagiye bamwumva aririmba nuko bakifuza ko yabaririmbira mu ndirimbo zabo.
Avuga izi ndirimbo yaririmbyemo agira ati :, “Naririmbye mu ndirimbo Customer Care ya Bull Dogg, ndirimba muri “Igifu” ya Ama-G. hari n’indi ndirimbo za Jay Polly nka “Hisha mu Nda” Seribteri, Antere ibuye ya Dr Jiji, iza Green P, hari izo nakoranye n’abahanzi bo muri Uganda nka Inshwi nakoranye na Jamal, Hallo nakoranye na Fille wo muri Uganda na we n’izindi nyinshi cyane.”
“Bull Dogg yansanze muri Studio ndi kuririmba “Tubivemo” yumva ndi kuririmba neza nuko ansaba ko naririmbamo. Ama-G The Black we twarakuranye kubera ko yumvaga izo ndirimbo zanjye nari nararirimbye ansaba ko namuririmbira ndamwemerera muririmbira mu ndirimbo ye yise Igifu. Abandi bahanzi twagiye dukorana byaterwaga n’uko bumvaga mfite ubuhanga mu miririmbire yanjye bakifuza ko dukorana”
.
Close