Meddy

  • Full Name: Ngabo Medard Jobert
  • Added: Oct 22nd 2012, 10:16
  • Video Songs: 5 - Audio Songs: 17
Bio: Ngabo Médard Jobert  wamenyekanye...Read more

My Biography


Ngabo Médard Jobert  wamenyekanye cyane ku izina rya  Meddy, yavukiye i Bujumbura mu Burundi, taliki ya 7 Kanama 1989. Ni mwene Sindayihebura Alphonse na Cyabukombe Alphonsine. Ni umwana wa kabiri mu muryango we aho avukana n’abandimwe  bane ; abahungu babiri n’abakobwa babiri. Ni umuhanzi nyarwanda ukora indirimbo ze muri  R&B na Pop.
Amashuri y’inshuke yayize kuri Ecole Indépendante i Burundi naho amashuri abanza ayiga  muri Ecole Primaire St. Joseph na Ecole Primaire La Colombière. Ayisumbuye ayiga muri Lycée La Colombière, aho yigaga ishami ry’imibare n’ubugenge(Math physique).Nyuma yaje gukomereza amashuri ye mu mwaka  muri kamunuza ya Kist ariko ntiyahamaze igihe kuko yahise yerekeza  muri kaminuza yigenga ya Kigali(ULK) nayo atatinzemo kuko yahise yerekeze kumugabane w’I burayi. 
Ngabo Medard Jobert nk’umuhanzi(MEDDY).
Meddy yatangiye umuziki akiri muto, kuko mu mwaka wa gatatu w’amashuri yisumbuye yaririmbaga muri groupe yitwaga "Justified" yo muri Zion Temple aho bakunze kwita kwa Gitwaza, aho yaririmbanaga n’abandi bahanzi ba none nka The Ben, Nicolas na Mbabazi Isaac uzwi ku izina rya  Lick Lick ubu akaba ari Producer.
Ibyo ntibyaramye kuko byaje kuba ngombwa ko buri wese aca ukwe kubera impamvu nyinshi, cyane cyane nk’amasomo, icyo gihe akaba yari ageze mu wa gatanu. Avuye muri icyo gikundi, yatangiye gukora umuziki ku giti cye, akajya yandika indirimbo ari nako aririmba. Mu mwaka w’2008, nibwo indirimbo ye "Ungirira Ubuntu" yasohotse ikorewe muri “Narrow Road”. Nyuma haza "Akaramata", "Amayobera" na "Ese Urambona" zikozwe na Lick Lick. Ubwo ubuzima bwo gukora umuziki ku giti cye aba abugezemo atyo dore ko izi ndirimbo zamugize ikirangirire mu Rwanda.
 
Nyuma yaho yakomeje kuririmba indirimbo zakunzwe n’abanyarwanda benshi zirimbo indirimbo nka Ubanza Ngukunda. zimwe muri izi ndirimbo zumvikana kandi uyu muhanzi yagiye azikorera n’amashusho yazo.
 
Yaje kujya mu gihugu cya Afurika y’Epfo ari kumwe n’Umuhanzi The Ben kubw’ibihembo by’Ijoro ry’urukundo Awards byategurwaga na Aimable KUBANA. Nyuma yaho kandi yaje kugenda akora ingendo zitandukanye nk’umuhanzi harimo n’urugendo yagiriye muri USA aho yaje guhita agumanayo n’umunzi The Ben bari bajyanye kugeza ubu bakaba ariho bakiri.
 
.
Close