Nk’uko byagaragajwe n’ibisubizo by’ibizamini bya Sekena Gomez, uyu mukobwa aratwite ndetse nk’uko bigaragara ku ifoto yo mu cyuma akaba yitegura kubyara impanga.
Inkuru dukesha Hollywoodlife.com ivuga ko atari ubwa mbere ibi bintu bivugwa nk’ibihuha kuva yakundana na Justin Bieber bakundana ariko kuri ubu iyi foto yo mu cyuma ikaba ari igihamya ntakuka ko Selena atwite.
Iyi nda biravugwa ko yaba ari iya Justin Bieber
Nk’uko umwe mu nshuti za Justin na Selena abitangaza aba bombi baba bifuza no kuba mu nzu imwe. Gusa ibi bikaba bicyibazwaho cyane na benshi kubera aba bombi basa n’abataritegura kubana dore ko Selena ari mu gihe gikomeye cyo kuzamura umuziki we naho Justin we akaba agifite ibibazo by’imanza yatewe n’imyitwarire ye itari myiza.
Ifoto yo mu cyuma ya Selena Gomez
Ibi kandi bivuzwe mu gihe Justin amaze igihe gito yimukiye mu nzu ye iri i Atlanta, ikinyamakuru eBuzzd ari nacyo cyashyize hanze iyi foto yo mucyuma, kikaba gitangaza ko gifite amakuru ya gihamya avuga ko ibi Justin yabikoze mu rwego rwo kitegura abana be 2 ategerezanije n’umukobwa akunda cyane.
Hari hashize iminsi mike cyane aba bombi bagaragaranye mu mashusho babyinana mu buryo bwuzuye ubwuzu n’urukundo rwinshi. Ibi rero bikaba biri mu byongera amahirwe yo kuba iki gihuha cyaba gifite ishingiro.
Denise IRANZI
Eng
RSS 
TANGA IGITECYEREZO