Hakozwe amasengesho yo gusabira Iryn Namubiru ufungiwe mu Buyapani

Nk’uko byatangajwe na Ugandaonline, aya masengesho yabereye ahitwa All Saints Cathedral mu mujyi wa Kampala. Hari abahanzi batandukanye nka Bobi Wine, Juliana Kanyomozi, Pastor Wilson Bugembe, Sylver Kyagulanyi ari nabo bavuze ijambo mu izina ry’abahanzi bose ba Uganda.

Muri aya masengesho kandi harimo manager wa Iryn Namubiru, Thaddeus Mubiru

Roger Mugisha ,ushinzwe guharanira iterambere rya Iryn Namubiru muri Uganda yashimiye umuntu wese wafashe umwanya we akaza mu masengesho yo gusabira uyu muhanzikazi umaze ibyumweru bigera kuri bitatu afungiwe mu mujyi wa Tokyo.

Mama wa Iryn Namubiru yashimiye abahanzi bose bazirikanye mugenzi wabo Iryn ufunzwe . Thaddeus Mubiru, manager wa Iryn yasobanuye uko urugendo rwa Iryn rwagenze kuva ku kibuga cy’indege cya Entebbe kugeza ubwo yaterewe muri yombi mu Buyapani agahita afungirwa ahitwa Chiba Prefectural Police station.

Andi makuru aturuka mu Buyapani avuga ko Iryn yatangiye kwiga ururimi rw’Ikiyapani kugira ngo ajye abasha kuvugana n’abagororwa bagenzi be bafunganywe dore ko nta n’umwe bavugana kuko bose bazi ikiyapani gusa.

Munyengabe Murungi Sabin.