Amwe mu mafoto agaragaza indege ya Malaysian Airlines yarasiwe mu gihugu cya Ukraine

Iyi ndege ya gisivile yo mu bwoko bwa Being 777 yarashwe ubwo yavaga mu mujyi wa Amsterdam mu gihugu cy’Ubuholande yerekeza mu mujyi wa Kuala lampur mu gihugu cya Malaysia ikaba yarashwe ubwo yari igeze hejuru y’igihugu cya Ukraine mu gace kitwa Chakhtarsk, kari ku mupaka n’Uburusiya kagenzurwa n’ababrwanyi bashyigikiye Uburusiya ari nabo bivugwa ko bayirashe.

Yangiritse bikomeye

Mbere y’uko bimenyekana ko iyi ndege yarashwe,ubuyobozi bw’iyi kompanyi bwari bwatangaje ko bwabuze ubugenzuzi bw’iyi ndege ndetse ko n’itumanaho hagati yabwo n’abayirimo ryahagaze.Biravugwa ko iyi ndege yarashwe iri ku butumburuke mwa metero ibihumbi 10 mu kirere cy’igihugu cya Ukraine.

Imwe mu mizigo y'abantu bari muri iyi ndege

Inyeshyamba nizo zigenzura agace iyi ndege yaguyemo

Nta muntu n'umwe mu barimo warokotse

Yahiye bikomeye

Ku ikarita,urugendo rw'iyi ndege ni aha rwarangiriye

Iki nicyo gisasu bivugwa ko cyarashe iyi ndege

Iyi niyo ndege ya Malaysian airlines MH 17 yarashwe

Iyi ndege yashwanyaguritse bikomeye ku buryo abantu byari bigoranye kubona imirambo y’abarimo dore ko ngo yari inyanyagiye kugeza no muri kilometer 15 uvuye aho ibisigazwa byayo byaguye.Mbere gato y’uko amakuru y’iraswa ry’iyi ndege amenyekana,inyeshyamba zishyigikiye Uburusiya zari zatangaje ko zahanuye indege yo mu bwoko bwa Antonnov ya Ukraine nyamara ntiyaboneka aho yaguye.Ibi  bikaba bishobora kwemeza ko izi nyeshyamba arizo zayihanuye ziyibeshyeho.

Iyi ndege irashwe nyuma y'uko indi ndege y'iyi kompanyi iherutse kuburirwa irengero irimo abagenzi 295

Robert N Musafiri