Jay-z ni umwe mubahanzi bakomeye muri Amerika ndetse no ku isi yose, akaba n’umwe mu bahanzi bafite amafaranga menshi ku isi, bamwe mu babanye n’uyu mugabo bo bakaba bavuga ko kuba Jay-z ageze aha bitabatungura kuko ngo kuva mu 1987 yagaragaraga nk’uzaba igihangange.
Kuri uyu wa mbere ushize muri New York habereye umuhango ngaruka mwaka aho hareberwa hamwe aho umuziki wa Amerika uva n’aho ugeze, ibi bikaba bitegurwa na New York magazine; kimwe mu bitangazamakuru bikomeye ku isi byandika ku byamamare, bakaba bari bafatanyije n’abahanzi umunani bakomeye muri amerika gusa bakaba baribanze ku muhanzi Jay-z.
Jay-Z byemezwa ko yatangiye kugaragara nk'umuntu udasanzwe guhera mu bwana bwe
Nk’uko byakomeje gutangazwa na bamwe bakuranye n’uyu mugabo ndetse na bamwe mu bamubaye hafi agitangira muzika , nabo bemeza ko imyitwarire ye yerekanaga ko ashobora kuzaba umuhanzi ukomeye cyane. Ibi ni bimwe mu byatangajwe na Sacasa umwe mu batangije ubucuruzi bwo kwambika abahanzi mu gihugu cya Leta Zunze Ubumwe za Amerika ariko we yibanda ku bakora injyana ya hip hop.
Uyu mugabo yavuze ko kuva mu mwaka w’ 1987 n’ubwo Jay-z atari azwi ariko kuri we yamufataga nk’umu star ukomeye ,ngo uyu umusore niwe muhanzi wajyaga yambara ibintu bitabonetse byose, kuko yafataga umwanya wo kubiterezaho.
Akomeza avuga ko we ubwa mbere ahura na Jay-z yari afite imyaka 14 bahuriye mu mishinga yari arimo ijyanye n’imyambarire , ariko ngo yahise akunda imyambarire y’uyu mugabo kandi yanarapaga neza bituma we ahita amufata nk’umwami wa hip hop.
Ibi abihuriyeho n’abandi benshi bazi uyu mugabo baba abo babanye akiri muto ndetse namwe mu bafotozi bakomeye nk’uwitwa Edwin nawe wavuze ko mu mafoto yagiye afotora uyu musore yabaga atandukanye n’ayabandi bose, we akaba atemeranya n’abavuga ko Jay-z ibintu yagezeho yabikuye muri iliminati.
Kayitare Mustapha
Eng
RSS 
TANGA IGITECYEREZO