Ahabanza Imikino

VOLLEYBALL: Gisagara VC ikomeje kuyobora urutonde nyuma yo kuba yaratsinze imikino y’impera z’icyumweru

Yanditswe na: Mihigo Saddam
Taliki:26/02/2018 16:37 0

Ikipe ya Gisagara Volleyball Club iri ku mwanya wa mbere ku rutonde rw’agateganyo rwa shampiyona y’umukino w’intoki wa Volleyball nyuma yo kuba mu mpera z’iki Cyumweru dusoza yaratsinze imikino yari ifitanye na KVC (3-0) cyo kimwe na UNIK VC (3-0). Gisagara VC imaze kugwiza amanota 17.

Mu mpera z’iki Cyumweru dusoje ni bwo Gisagara VC yagwije amanota 17 kuko yasaruyemo amanota atandatu (6) mu mikino ibiri. Yabanje gutsinda KV amaseti 3-0 mbere yo kubikora UNIK VC. Mu mikino itandatu (6) imaze gukina, Gisagara VC ifite igikombe cya shampiyona iraza ku mwanya wa mbere n’amanota 17 mu gihe UTB VC iri ku mwanya wa kabiri n’amanota 14 mu mikino itandatu (6).

Mu mpera z’iki Cyumweru nabwo ntabwo UTB VC yatengushye abafana bayo kuko yasaruyemo amanota ane (4). Yatangiye Itsinda APR VC amaseti 3-1 mbere yo gutsindwa na REG VC amaseti 3-2. REG VC iri ku mwanya wa gatatu n’amanota 12, APR VC ni iya kane (4) n’amanota 11, Kirehe VC yicaye ku mwanya wa gatanu (5) n’amanota 9 naho IPRC East ni iya gatandatu n’amanota icyenda (9).

Mu cyiciro cy’abagore, ikipe ya APR WVC iri ku mwanya wa mbere (1) n’amanota 11 mu mikino ine imaze gukina. Mu mpera z’iki Cyumweru yatsinze KVC amaseti 3-0 inabikora IPRC Kigali WVC. Ruhango VC iri ku mwanya wa kabiri n’amanota icyenda (9) mju gihe ikipe ya RRA WVC iri ku mwanya wa gatatu n’amanota atandatu (6).

Gisagara VC iri ku mwanya wa mbere irusha UTB amanota 3