Ikipe y’igihugu y’u Rwanda igizwe n’abakobwa batarengeje imyaka 23 mu mukino w’intoki wa Volleyball yabuze itike y’igikombe cy’isi mu marushanwa yaberaga muri Kenya nyuma yo kubasha kutsinda imikino ibiri mu mikino ine bakinnye mu minsi itanu amarushanwa yamaze.
Amahirwe yo kugana mu gikombe cy’isi yayoyotse nyuma yaho igihugu cya Kenya cyari kimaze gutsinda u Rwanda amaseti 3-1 (25-23, 23-25, 25-22 na 25-19) mu mukino wasoga aya marushanwa.
Mu mukino u Rwanda rwakinaga na Kenya yabonye itike y'igikombe cy'isi
U Rwanda rwari rwatangiye aya marushanwa rwitwara neza kuko rwatsinze Senegal amaseti 3-1(26-28, 25-17, 25-14 na 25-19) mbere yo gutsindwa na Misiri amaseti 3-0 mu mukino wakinwe kuwa Kabiri (25-14, 25-17, 25-21).
Mbere yo guhura na Kenya kuri uyu wa Kane, u Rwanda rwari rwihereranye ikipe ya Botswana iyitsinda amaseti 3-0 (25-16, 25-17, 25-19). Kenya na Misiri nibyo bihugu bibiri bizaseruka mu gikombe cy’isi kizabera muri Slovenia.
Ikipe y'u Rwanda iragera mu Rwanda kuri uyu wa Gatanu saa kumi na 50'
Eng
RSS 
TANGA IGITECYEREZO