RFL
Kigali

USM Alger yatangiye urugendo rugana mu Rwanda iza guhangana na Rayon Sports

Yanditswe na: Mihigo Saddam
Taliki:9/07/2018 10:05
0


USM Alger ikipe y’ubukombe kuva mu gihugu cya Algeria yatangiye urugendo rugana munsi y’ubutayu bwa Sahara aho ije kuba itangira imyiteguro y’umukino bafitanye na Rayon Sports kuwa 18 Nyakanga 2018 mu mikino ya Total CAF Confederation Cup 2018.



Kuva kuri uyu wa Mbere tariki ya 9 Nyakanga 2018 harabura iminsi icyenda (9) kugira ngo amakipe yombi acakiranire mu mukino wa gatatu w’itsinda rya kane (D), umukino uzakinirwa kuri sitade ya Kigali tariki ya 18 Nyakanga 2018.

Mu gihe ikipe ya Rayon Sports iri mu mikino ya CECAFA KAGAME CUP 2018, USM Alger yo kuri gahunda yayo nuko yamaze kugera i Nairobi muri Kenya aho bagomba kumara iminsi icumi (10) bakora imyitozo banamenyera ikierere cy’Akarere ka Afurika y’iburasirazuba.

Nairobi muri Kenya bahageze Kuwa Gatandatu tariki ya 7 Nyakanga 2018 bakaba bacumbitse muri Golden Tulip Nairobi, biteganyijwe ko bazahava kuwa 16 Nyakanga 2018 bagana mu Rwanda mbere yuko bazaba bahura na Rayon Sports kuwa 18 Nyakanga 2018 bakahava ku munsi uzakurikira wa tariki 19 Nyakanga 2018.

USM Alger ifite iminsi icumi i Nairobi muri Kenya mbere yo kuza mu Rwanda

USM Alger ifite iminsi icumi i Nairobi muri Kenya mbere yo kuza mu Rwanda

Dore imikino Rayon Sports mu itsinda rya kane (D):

Tariki ya 6 Gicurasi 2018:  Rayon Sports 1-1 Gor Mahia

Tariki 16 Gicurasi 2018: Young Africans 0-0 Rayon Sports

Tariki 18 Nyakanga 2018: Rayon Sport vs USM Alger

Tariki 29 Ntakanga 2018: USM Alger vs Rayon Sports

Tariki 19 Kanama 2018: Gor Mahia vs Rayon Sports

Tariki 29 Kanama 2018:  Rayon Sports vs Young 

 

 

 






TANGA IGITECYEREZO

Izina ryawe
Email yawe
Andika igitecyerezo




Inyarwanda BACKGROUND