Kami Kabange Milambwe umukinnyi ukomeye mu ikipe ya REG BBC n’umufashe we Aisha Kabange ukinira ikipe ya APR WBBC bibarutse umwana w’umuhungu mu ijoro ryacyeye nyuma yuko uyu mugabo yari amaze gufasha iyi kipe gutsinda APR BBC amanota 71-73.
Kami Kabange wari wanatsinze amanota 14 mu mukino umufasha we yanarebye, bombi baje kugira umugisha wo kwibaruka umwana w’umuhungu uje asanga abandi babiri bari bafite. Kami Kabange Milambwe na Aisha Kabange bari basanzwe bafite umukobwa umwe n’umuhungu umwe ariko kuri ubu bakaba babonye undi Kabange tutaramenya irindi zina bazamwongera kuko irya Kabange ryo ni iry’umuryango umuntu yavuga ko bishoboka ko nawe ariko azaba yitwa.
Kami Kabange n'umufasha we bashagaye umwana wabo w'umuhungu
Kami Kabange wakiniye ikipe ya Espoir BBC (2012-2013) akahatwarira ibikombe byose bya shampiyona na Playoff n’irushanwa rya Zone 5, yaciye mu ikipe ya APR BBC kuva mu 2007 kugeza 2011 ahatwarira ibikombe bya shampiyona, batwara ibikombe bya Playoffs ndetse banatwara irushanwa rya Zone 5 inshuro ebyiri (2008 na 2010).
Kami Kabange mu mukino REG BBC yaraye itsinzemo APR BBC amanota 71-63 yatsinzemo 14
Mu mwaka wa 2012 yafatanyije na Espoir Basketball Club mu mikino y’igikombe cya Afurika cy’amakipe (Clubs) ntibabona igikombe, ahita ahava agana muri Uganda mu ikipe ya City Oilers Basketball Club, ikipe yakiniye kuva mu 2013 kugeza mu 2016. City Oilers yayifashije gutwara ibikombe bya shampiyona na playoffs bakinnye mu myaka itatu yahamaze mbere yo kuza muri REG BBC mu Rwanda.
Eng
RSS 
TANGA IGITECYEREZO