Antoine Hey umudage w’imyaka 46 ni we wahawe akazi ko gutoza ikipe y’igihugu Amavubi ahigitse Umusuwisi Raoul Savoy n’Umunya-Portugal Rui Aguas abagabo babiri bari basigaye mu itsinda ry’abatoza batatu bagombaga kuvamo umwe uzahabwa aka kazi ko gusimbura Jonathan McKinstry.
Nk’uko ikinyamakuru Jeune Afrique kibitangaza, Antoine Hey azajya ahabwa ibihumbi 20 by’amadolari ya Amerika (20$) asaga miliyoni 16 n’ibihumbi 400 mu mafaranga y’u Rwanda (16.400.000 FRW).
Gusa iki kinyamakuru gikomeza kivuga ko u Rwanda ruzajya rwishyura kimwe cya kabiri cy’uyu mushahara nyuma ishyirahamwe ry’umupira w’amaguuru mu Budage (DFB) nabo bishyure ikindi gice bigendanye n’amasezerano amashyirahamwe yombi aherutse gusinyira muri Afurika y’Epfo.
Antoine Hey wahoze akina hagati mu kibuga yasinye amasezerano y’imyaka ibiri (2) azamara mu Rwanda . Uyu yakinye mu makipe atandukanye arimo; Fortuna Düsseldorf (1989-1992) na Schalke 04 (1992-1994) zo mu Budage. Yakinnye kandi muri Birmingham City (Angleterre) na Anorthosis Famagouste (Chypre).
Mu bijyanye no gutoza amakipe y’ibihugu, Antoine Hey yatoje Lesotho (2004-2006), la Gambie (2006-2007), Liberia (2008-2009), Kenya (2009). Yatoje Monastir (2007) ikipe yo muri Tunisia ndetse na Al-Merreikh (Sudan, 2016-2017). Mu kazi ko gutoza Amavubi Hey azaba yungirijwe n’umutoza umwe w’Umufaransa uzaba ushinzwe kongera ingufu z’abakinnyi ndetse n’abandi bungiriza babiri bazava mu Budage.
Agikina umupira, Antoine Hey yakinaga hagati mu kibuga
Eng
RSS 
TANGA IGITECYEREZO