Ku mugoroba w’uyu wa Kabiri tariki 12 Nzeli 2017 ni bwo hatangiraga imikino y’irushanwa ry’amakipe yabaye aya mbere iwayo ku mugabane w’u Burayi (UEFA Champions League 2017-2018), imikino yasize Juventus inyagiwe na FC Barcelona ibitego 3-0 mu mukino waberaga i Camp Nou kuri sitade ya FC Barcelona.
Mbere yuko igice cya mbere kirangira ku munota wa 45’, Lionel Messi yafunguye amazamu. Ku munota wa 56’ Ivan Rakitic yahise yungamo ikindi mbere yuko yuko Lionel Messi ashyiramo igitego cya gatatu ku munota wa 69’.
Ni umukino ikipe ya Juventus yabanje kwihagararaho kuko isanzwe izwiho ubwugarizi bufite ubunararibonye ariko ubwo bari bamaze kwinjizwa igitego cya mbere byabaye nkaho bacitse intege bityo abakinnyi nka Lionel Messi, Ivan Rakitic na Louis Suarez wanatsinze igitego bakacyanga batangira kubona icyuho.
Mu yindi mikino yakinwa muri iri tsinda rya kane (D), ikipe ya Olympiakos yatsinzwe na Sporting CP ibitego 3-2.
Mu itsinda A, Benfica yatsinzwe na CSKA Moscow ibitego 2-1, Manchester United inyagira FC Basel ibitego 3-0. Itsinda B ryasize Bayern Munich inyagiye Anderlecht ibitego 3-0 na Celtic ibona ishyano inyagira ibitego 5-0 na Paris Saint Germain.
Imikino y'itsinda C yasize Chelsea inyagiye itababarira Qarabag FC ibitego 6-0 naho AS Roma igwa miswi na Atletico Madrid banganya 0-0. Kuri uyu wa Gatatu harakinwa imikino yo mu itsinda rya Gatanu (E) kugeza ku rya munani (H).
Lionel Messi yarebye mu izamu kabiri (45', 69')
Louis Suarez, Lionel Messi na Ousmane Dembele bishimira igitego
Ivan Rakitic yabonye igitego ku munota wa 56' ku mupira yahawe na Lionel Messi
Juventus basubiranamo nyuma y'ibitego byari bimaze kubabana byinshi
Douglas Costa wahoze muri CF Bayern Munichen imbere ya Lionel Messi
Ousmane Dembele waje asimbura Neymar yatangiye abona amanota atatu
Andreas Iniesta agenzura umupira hagati mu kibuga
Paul Dybala ashaka uko yabonera ikipe igitego
Gerard Pique yitanga mu bwugarizi
Demebele ashaka uko yatsinda igitego
Uko itsinda D rihagaze
Messi yasesekaye imbere y'izamu
Agaruka
D.Costa yacitse intege bigaragara
Gusimbuza ku ruhande rwa Juventus
Paulo Dybala ntabwo yigaragaje cyane
Igitego cya I.Rakitic
Louis Suarez yatsinze igitego bamubwira ko yari yararaririye
Amafoto: DailMailOnline
Eng
RSS 
TANGA IGITECYEREZO