UEFA CL: Leicester City niyo kipe rukumbi ihagarariye Abongereza bari bafitemo amakipe ane-AMAFOTO

Ibyananiye Tottenham, Arsenal na Manchester City, ikipe ya Leicester City yo yabashije kubigeraho nyuma yo kubona ibitego 2-0 mu mukino wo kwishyura wakinwe ku wa Kabiri, ibitego byatsinzwe na Wesb Morgan (27’) na Marc Albrighton (54’). Muri uyu mukino, Samir Nasri wa FC Sevilla yahawe ikarita itukura. Aha Leicester yahise ikomeza ku giteranyo cy’ibitego 3-2 kuko umukino ubanza Sevilla yari yatsinze ibitego 2-1.

Nyuma yuko Leicester City yari imaze gukomeza, Abongereza bagize ikizere ko bashobora kuza kubona indi kipe ibahagararira bitewe nuko kuwa Gatatu Manchester City yagombaga guhura na AS Monaco, gusa ntibyabakundiye kuko Pep Guardiola n’abahungu be basezerewe batsinzwe ibitego 3-1 mu mukino wo kwishyura.

AS Monaco yasezereye Manchester City ku giteranyo cy’ibitego 6-6 kuko mu mukino ubanza Manchester City yari yayoboye umukino ku bitego 5-3.

Ibitego bitatu (3) bya AS Monaco byatsinzwe na Kylian Mbappe Lottin (8’), Fabinho (29’) na Tiemoue Bakayoko (59’). Igitegpo cy’impozamarira cya Manchester City cyatsinzwe na Leroy Sane ku munota wa 71’. Tombola yuko amakipe azahura mu mikino ya ¼ iteganyijwe kuri uyu wa Gatanu saa munani ku masaha ya Kigali.

Uretse Abongereza, shampiyona ya Esipanye ni yo isigaranyemo amakipe menshi aho mu makipe umunani yakatishije itike harimo atatu yo muri Espanye ariyo Real Madrid isanganywe iki gikombe, FC Barcelona yasezereye Paris Saint Germain na Atletic Madrid yaraye isezereye Bayern Luverkusein.

Dore amakipe yakomeje muri ¼:

1.FC Barcelona (Spain)

2.Atletio Madrid(Spain)

3.Real Madrid (Spain)

4.FC Bayern Munichen (Germany)

5.AS Monaco (France)

6.Leicester City (England)

7.Juventus (Italy)

8.Borussia Dortmund (Germany)

Amafoto yaranze umukino wa AS Monaco na Manchester City

AS Monaco bishimira kubona itike

Mbappe anyereza Cabarello

Ku myaka 18 Mbappe umwe mu bakinnyi bahagaze neza

Fabinho nyuma yo gutsinda igitego

Sergio Kun Aguero kizigenza wa Manchester City yahise acika intege

Abafana ba AS Monaco bishimira intsinzi

Pep Guardiola yari yabuze imibare yakwitabaza

Danijel Subasic umunyezamu wa AS Monaco ubwo yari agize ikibazo cy'imvune

Aleksandar Kolarov azitira Mbappe wari wazengereje Manchester City

Radamel Falcao  (wambaye inkweto z'umweru)rutahizamu wa AS Monaco ntiyakinnye

Ku ntebe y'abatoza n'abasimbura ba Manchester City bari bayobewe n'ibiri kuba mu kibuga

Aguero ashakisha igitego aciye mu macenga

Leroy Sane atsinda igitego cya Manchester City

Bakayoko amaze gutsinda igitego