IKipe ya FC Bayern Munchen yanyagiye Arsenal ibitego 5-1 mu mukino ubanza wa kimwe cy’umunani cy’irangiza mu irushanwa rihuza amakipe yabaye aya mbere iwayo (UEFA Champions League). Arjen Robben, Robert Lewandowski, Tiago Alcantara watsinzemo bibiri na Tomas Muller, ni bo bagaraguje agati abasore ba Arsene Wenger.Real Madrid itsinda SSC Napoli.
Mu mukino wa Arsenal na Bayern Munchen, Arjen Robben yatsinze igitego cya mbere ku munota wa 11’, cyishyurwa na Alexis Sanchez ku munota wa 30’. Ibindi bitego bya Bayern Munchen byatsinzwe na Robert Lewandowski (53’), Tiago Alcantara (56’, 63’) na Tomas Muller (88’).
Tiago Alcantara yatsinze ibitego bibiri mu mukino
Mu gice cya mbere ikipe ya FC Bayern Munchen ni yo yinjiye mu mukino n’amahirwe menshi kuko ku munota wa 11’ Arjen Robben yari yamaze kuyibonera igitego cya mbere cyaje kwishyurwa na Alexis Alesandro Sanchez ku munota wa 30’ ubwo yateraga penaliti Manuel akayikuramo ariko Sanchez agasongamo ishoti. Ni penaliti yaturutse ku ikosa Robert Lewandowski yakoreye kuri Laurent Konscierlny mu rubuga rw’amahina.
Muri iki gice kandi Mats Hummels wa Bayern Munchen yahawe ikarita y’umuhondo, Shkodran Mustafi (15’) na Alexis Sanchez (33’) ba Arsenal bahabwa amakarita y'imihondo.
Mu gice cya kabiri ku munota wa 49’, Laurent Koscierlny myugariro wa Arsenal yagize imvune asimburwa na Gabriel Paulista. Byageze ku munota wa 50’ Bayern Munchen iri kwiharira umupira ku kigero cya 70% mu gihe Arsenal yari ifite 30%. Ku munota wa 53’, Robert Lewandowski yatsinze igitego cya kabiri cya Bayern ku mupira yahawe na Phillip Lahm.
Ku munota wa 56’, Thiago Alcantara yaboneye Bayern Munchen igitego cya gatatu nyuma yo kwisanga ari kumwe na David Ospina umunyezamu wa Arsenal ubwo yari ahawe umupira na Robert Lewandowski, mbere yuko Granit Xhaka ahabwa ikarita y’umuhondo ku munota wa 60’.
Ku munota wa 63’, Tiago Alcantara yaje kongeramo igitego cya kane cya Bayern Munchen yari imbere y’abafana bayo i Allianz Arena. Ibitego byakomeje kurumbuka ubwo ku munota wa 88’ w’umukino Tomas Muller yatsindaga igitego cya gatanu cya Bayern ku mupira yahawe na Tiago Alcantara.
Ku rundi ruhande, mu mujyi wa Napoli ikipe ya SSC Napoli yatsindwaga na Real Madrid ibitego 3-1 nubwo ariyo yabanje igitego yatsindiwe na Lorenzo Insigne ku munota wa munani (8’).
Sergio Ramos kapiteni wa Real Madrid yahawe ikarita y’umuhondo ku munota wa 17’ mbere yuko Kalim Benzema yishyura igitego ku munota wa 19’ ku mupira yahawe na Daniel Carvajal,.
Bavuye kuruhuka ku munota wa 49’, Toni Kroos yahawe umupira na Cristiano Ronaldo ahita atsinda igitego cyakurikiwe n’ikarita y’umuhondo yahawe Luka Modric(52’) mbere ho iminota ibiri (54’) kugira ngo Casemiro abonere Real Madrid igitego cya gatatu. Piotr Zielinski (38’) na Dries Mertens (76’) ba SSC Napoli bahawe amakarita y’imihondo.
Ku munota wa 71’ Sergio Ramos yasimbuwe na Pepe, James Rodriguez asimburwa na Lucas Vasquez ku munota wa 76’ mbere y'uko Kalim Benzema asimburwa na Alvaro Morata ku munota wa 81’. Ku ruhande rwa SSC Napoli, Piotr Zielinski yasimbuwe na Allan (75’), Marek Hamsik asimburwa na A Milik (83’).
11 babanjemo muri buri kipe:
FC Bayern Munchen: Manuel Neuer (GK), Phillip Lahm, Javier Martinez, Mats Hummels, David Alaba, Xabi Alonso, Arturo Vidal, Arjen Robben, Tiago Alcantara, Douglas Costa na Robert Lewandoski.
Arsenal: David Ospina (GK), Laurent Koscierlny, Shkodran Mustafi , Hector Bellerin, Francis Coquelin, Granit Xhaka, Axel Oxlade-Chamberlain, Alex Iwobi na Alexis Alesandro Sanchez.
Dore uko imikino ya 1/8 cy’irangiza yagenze:
Kuwa Gatatu tariki 15 Gashyantare 2017
*FC Bayern Munchen 5-1 Arsenal
*SSC Napoli 1-3 Real Madrid
Kuwa Kabiri tariki 14 Gashyantare 2017
*Paris Saint Germanin 4-0 FC Barcelona
*CF Benfica 1-0 Borussia Dortmund
Ku munota wa 53' Bayern yungutse igitego cya Robert Lewandowski
Olivier Giroud, Shkodran Mustafi, Alexis Sanchez na Mohamed Elneny ba Arsenal babuze aho bakwirwa
Lewandowski (9), Robben (11) na Alcantara (6) bishimira ibitego
Arsenal yatahiye igitego cyatsinzwe na Alexis Alesandro Sanchez ku munota wa 30'
TANGA IGITECYEREZO