UEFA CL 2018: Real Madrid yatwaye igikombe itsinze Liverpool mu mukino Mohammed Salah yakinnyemo iminota 29-AMAFOTO

Real Madrid ni yo yari ifite amahirwe mbere y’umukino bigendanye n’inshuro imaze gutwara iki gikombe ndetse n’uburyo yari kuba ishaka gukomeza guca agahigo ko kuba ikipe ya mbere ku isi itwaye iki gikombe inshuro eshatu (3) yikurikiranya (2018, 2017 na 2016).

Karim Benzema ni we wafunguye amazamu ku munota wa 51’ w’umukino biturutse ku mupira yahawe ka Karius umunyezamu wa Liverpool ubwo yashakaga kuwujugunya akawumutera ku kaguru. Iki gitego cyaje kwishyurwa na Sadio Mane ku munota wa 55’ akoresheje umutwe ku mupira wari uvuye muri koruneri.

Real Madrid yaje kwerekana ko ishaka igikombe ubwo Gareth Bale wari winjiye mu kibuga asimbuye yahise atsinda igitego ku munota wa 64’ ku mupira yahawe na Marcel. Gareth Bale yaje gushyiramo agashinguracumu ku munota wa 83’ ubwo yateraga ishoti ari hanze y’urubuga rw’amahina umunyezamu Karius akabura uko abyifatamo.

Real Madrid baterura igikombe cya 13 mu mateka 

Muri uyu mukino, ikipe ya Liverpool yaje kuzongwa ubwo Mohammed Salah wari witezwe yaje kuva mu kibuga agize ikibazo cy’imvune nyuma yo kugongana na Sergio Ramos kapiteni wa Real Madrid. Bitewe nuko abugarira ba Real Madrid batinyaga kuzamuka cyane bamusize, baje kwirekura batangira gukina bitonze bityo ubwo Gareth Bale yari amaze kuza ni bwo abugarira ba Liverpool batangiye gukinira inyuma ari nako kwinjizwa ibitego bibiri mu minota micye.

Uyu mukino wabonetsemo ikarita imwe y’umuhondo yahawe Sadio Mane ku munota wa 82’ azira kubangamira Sergio Ramos. Real Madrid yateye amashoti atandatu (6) agana mu izamu havamo ibitego bitatu (3), bateye amashoti atandatu (6) aca kure y’izamu. Real bagize uburyo bwo gutindana umupira ku kigero cya 61%, batera koruneri icyenda (9), bararira inshuro zirindwi(7), bakora amakosa atandatu (6), batera free-kicks eshatu (3). Real Madrid nta karita n’imwe batahanye.

Loris Karius umunyezamu wa Liverpool hari ibitego yatsinzwe bikababaza abafana 

Ku ruhande rwa Liverpool, bateye amashoti abiri agana mu izamu babonamo igitego kimwe (1), bateye amashoti atatu (3) aca kure y’izamu (3), bagumanye umupira ku kigero cya 39% mu minota 90’ muri rusange. Bateye koruneri eshanu (5), bararira inshuro eshatu (3), bakora amakosa 18, babonye ikarita imwe y’umuhondo yahawe Sadio Mane, bateye imipira irindwi (7) iteretse.

Karius hasi yibaza ibiri kuba 

Kimwe mu bitego bya Gareth Bale 

Bale yishimira igitego

Nyuma y'umukino ni bwo Gareth Bale na John Achterberg umunyezamu wundi wa Liverpool bihanganishije Karius 

Nyuma y'umukino ni nabwo Loris Karius yasabye imbabazi abafana ba Liverpool

Umwe mu bafana na Liverpool yihinnye hanze ya sitade ararira 

Abafana ba Liverpool ku munota wa 90'

Jurgen Klopp umutoza wa Liverpool amaze kwambara umudali 

C.Ronaldo n'umutoza we Zinedine Zidane basekana ibyishimo 

Gareth Bale yishimira igikombe nyuma y'ibitego bibiri yatsinze mu mukino

Karim Benzema ni we wafunguye amazamu

Abakinnyi ba Real Madrid birukankana igikombe 

Umunya-Senegal Sadio Mane ni we watsinze igitego cya Liverpool

Iminota 29' yari ihagije ngo Mohammed Salah abe atakibarizwa mu kibuga

Ubwo Sergio Ramos yari amaze kumugusha 

Abafana ba Liverpool ubwo bari bamaze kubona imvune ya Mohammed Salah

Mohammed Salah yahise asohoka mu kibuba hajyamo Adam Lalana

Abafana ba Liverpool mbere y'umukino

Ibirori nyabanjirije umukino

Dua Lipa umuhanzikazi waririmbye muri uyu muhango

Umuryango wa Sergio Ramos bareba umukino

Mohammed Salah atarava mu kibuga yari yatanze akazi gakomeye 

Gareth Bale ubwo yageraga ku kibuga 

Uyu yari yitwje icyapa avuga ko ashaka amatike kuko yari yashize 

Mbere y'umukino abafana ba Liverpool bari bafite icyizere 

AMAFOTO: DailMailOnline