Manchester United ikipe iri mu cyiciro cya mbere muri shampiyona y’Abongereza yasezerewe mu mikino ihuza amakipe yabaye aya mbere iwayo ku mugabane w’i Burayi nyuma yo gutsindwa na FC Sevilla yo muri Espagne ibitego 2-1 mu mukino waberaga i Old Traford.
Wari umukino wo kwishyura wa 1/8 wakinwaga nyuma y'uko umukino ubanza amakipe yombi yanganyije 0-0. Manchester United iheruka gutsinda Liverpool muri shampiyona, abafana bayo bumvaga ko iza kubakomereza ibirori bakomeza mu mikino ya ¼ cy’irangiza.
Ibyishimo by’abafana ba Manchester United byatangiye kuyoyoka ku munota wa 74’ ubwo Wissam Ben Yedder wari winjiye asimbuye yahise areba mu izamu kuko nyuma y’iminota ine (78’) yongeyemo igitego bityo bigakomeza gukomera ku ruhande rwa Jose Mourinho n’abahungu be. Ku munota wa 84’ ni bwo Romelu Lukaku yashyizemo igitego cy’impozamarira kitari gifite icyo cyiza kumarira iyi kipe kuko byabonekaga ko FC Sevilla ishaka amanota atatu ku bubi n’ubwiza.
Muri uyu mukino, abasesenguzi babonaga ko Jose Mourinho yateguye nabi abakinnyi yabanje mu kibuga kuko hagati yari yatangije Marouane Felaini afatanya na Nemanja Matic imbere yabo hari Alexsi Alesandro Sanchez wakinaga inyuma ya Lukaku, ibintu wabonaga bidatanga umusaruro.
Abafana ba Manchester United ntibazibagirwa Wissam Ben Yedder
Nyuma ni bwo Jose Mourinho yaje kubibona gutyo akuramo Marouane Felaini wanahushije igitego ahita ashyiramo Paul Pogba, nyuma ni bwo Juan Mata yasimbuye Antonio Valencia wakinaga inyuma ku ruhande rw’iburyo naho Jesse Lingaard asimbura na Antony Martial.
Undi mukino wabaye n'uko AS Roma yatsinze Shakhtar Donetsk igitego 1-0 cya Edwin Dzeko ku munota wa 52.
Wissam Ben Yedder yarebye mu izamu ku munota wa 74' asimbuye
Romelu Lukaku na Jesse Lingaard bajya gutangiza umupira
Wissam Ben Yedder yaje kongeramo ikindi ku munota wa 78'
Abakinnyi ba FC Sevilla bishimira intsinzi
David De Dea umunyezamu wa Manchester United yazonzwe n'abakinnyi bava mu gihugu akomokamo (Espagne)
Ku munota wa 84' ni bwo Lukaku yatsinze impozamarira ya Manchester United
Ubwo abafana bari hanze ya Old Trafford sitade ya Manchester United mbere y'umukino
Abakinnyi basuhuzanya mbere y'umukino
Marcus Rashford uheruka gutsinda Liverpool yari yitezwe ariko ntibyakunda
Jose Mourinho ntabwo yaraye neza
Umukino wari ukomereye Manchester United yari imbere y'abafana
Lukaku ashaka igitego
ERic Bailly Bertrand yugarira
Lukaku yateye umupira barawufata
Vicenzo Montella umutoza mukuru wa FC Sevilla wanabaye rutahizamu mu makipe nka AS Roma na Sampdoria mu Butaliyani
Marouane Felaini atera ishoti rigana mu izamu
Alexis Sanchez afatwa na Mercado
Amahirwe yari ku ruhande rwa FC Sevilla
Marcus Rashford ashaka aho yanyura Mercado
Marouane Felaini (Ibumoso) yasimbuwe na Paul Pogba
Lukaku yahize ibitego birabura
Sanchez nyma y'umukino
Eric Bailly Bertrand umunya-Cote d'Ivoire ukinira Manchester United
Kuri uyu wa Gatatu, FC Barcelona irakira Chelsea mu mukino wo kwishyura kuko umukino ubanza banganyije igitego 1-1 naho Besiktas yakire FC Bayern Munichen. Byitezwe ko Bayern ikomeza kuko umukino ubanza yanyagiye Besiktas ibitego 5-0.
PHOTOS: DailmailOnline
TANGA IGITECYEREZO