David Lozano Riba yatwaye agace ka Musanze-Kigali muri Tour du Rwanda 2018

Ntacyo biri buhindure ku rutonde rusange kuko Mugisha Samuel wambaye umwenda w'umuhondo yahageze ari kumwe na Jean Claude Uwizeye basanzwe batandukanwa n'amasegonda 21".

Mu rugendo rwa Musanze-Kigali (107.5 Km), Lozano David Riba yakoresheje 2h46'18". Mugisha Samuel yaje ari uwa kane asigwa amasegonda (17"). Nsengimana Jean Bosco yaje ari uwa gatandatu asigwa amasegonda 43".

Ku rutonde rusange, Mugisha Samuel aragumana umwenda w'umuhondo kuko aracyabitse amasegonda 21" hagati ye na Jean Claude Uwizeye.  David Lozano Riba wabaye uwa mbere kuri uyu wa Gatandatu, ari ku mwanya wa gatanu (5) ararushwa umunota umwe n'amasegonda 33" (1'33").

Uko byari bimeze mu rugendo rwa Musanze-Kigali 

10h30': Abasiganwa bahagurutse ku isoko rya Musanze bagana i Kigali ku ntera ya Kilometero (107.4 Km).

Biteganyijwe ko abasiganwa baza guhatanira amanota yo kuzamuka ahantu hatandatu hatandukanye. Mbere yo kugera i Karambo barabarirwa amanota ku ntera ya (19.2 Km). Baraza kongera bageze i Gako ku ntera ya Kilometero (60.4 Km).

Nibaba bamaze gukora ibilometero (88.6 Km) baraba bageze ku nyubako nshya ya MIC baraba bafite umukoro wo gukorera amanota. Barongera gushaka aya manota ubwo baraba bamaze gukora ibilometero (94.2 Km), 102.4 Km na 107.4 Km.

Abanyarwanda bari ku mihanda ya Musanze-Kigali bagomba kuba batsura umubano n'igare ku mihanda ikurikira: Musanze - Nyabugogo - Muhima - dukate muri pavées zijya kuri Okapi - MIC (arrivée)- Rond Point - Muhima - Kinamba- Gisozi - Kagugu - Mu kabuga ka Nyarutarama - TV1 - Gare ya Kacyiru - Polisi Kacyiru - Kinamba - Muhima - Hotel Okapi - MIC.

11h00': Abasiganwa barakorera kugera ku Kilometero cya (19.2 Km) ahatangirwa amanota y'akazamuko ka mbere muri dutandatu turi muri aka gace ka Musanze-Kigali.

11h35': Bruno Araujo (Angola) ni we uyoboye abacomotse akaba ari nawe watwaye amanota ya mbere yo kugera kuri sitasiyo SP iri kwa Nyirangarama. Temalew Bereket bageze kwa Nyirangarama ari uwa kabiri.

11h45': Mu rugendo rwa Kilometero (40.5 Km), biraboneka ko abakinnyi barimo; Voss Arnaud (France) na Buru Temesgen (Ethiopia) baragenda bagaruka mu myanya y'imbere bagenda bagaruka.

TimothyRugg  ni we uzamutse agasozi ka mbere kari mu Karambo hari ku ntera ya Kilometero (19.2 Km). Kamau Gishora aza ku mwanya wa kabiri, BuruTemesgen  aba uwa gatatnu mbere yuko Voss Arnaud  aba uwa Kane.

12h20': Hentala Jonas (Team Embrace The World) agize ikibazo ava mu irushanwa. Gusa ntabwo turamenya neza ikibazo agize.

12h24': Abakinnyi bacomotse barimo; Kamau Gishora, Buru Temesgen na Voss Arnaud barasiga igikundi iminota ibiri (2').

12h26: Igikundi (Peloton) cyagabanyije ibihe kuko hagati yabo n'abakinnyi bacomotse (Break Away) harimo umunota umwe (1'). Harabura ibilometero (65 Km).

12h50': Rugg Thimothy azamutse kuri MIC ari imbere ari kumwe na Mugisha Samuel wambaye umwenda w'umuhondo.

13h00': Abasiganwa bari mu rugendo rwongera kubagarura kuri MIC aho basoreza.