Ku mugoroba wo kuri uyu wa Kabiri tariki 17 Ukwakira 2017 ubwo hakinwaga umunsi wa gatatu w’irushanwa rihuza amakipe yabaye aya mbere mu bihugu byo ku mugabane w’I Burayi, Tottenham Hotspur yiziritse kuri Real Madrid banganya igitego 1-1 ku kibuga cya Santiago Bernabeu. Liverpool inyagira Maribor ibitego 7-0.
Real Madrid yari mu rugo kuri sitade Santiago Bernabeu yabanjwe igitego ku munota wa 28’ ku mbaraga za rutahizamu Harry Kane watumye Raphael Varane myugariro wa Real Madrid yitsinda igitego. Iki gitego cyatumye Real Madrid ikinira ku gitutu bituma Cristiano Ronaldo anahabwa ikarita y’umuhondo mbere yuko yishyura iki gitego ku munota wa 43’ kuri penaliti ku ikosa Serge Aurier yakoreye kuri Toni Kroos.
Amakipe yombi yakomeje gukotana birinda bigera ku munota wa 90’ nta kipe irakora ikinyuranyo mu bitego nubwo amashoti agana mu izamu yavuzaga ubuhuha. Mu itsinda rya Munani (H), Tottenham irayoboye n’amanota arindwi (7) mu mikino itatu (3) ikaba izigamye ibitego bitanu (5), imibare inganya na Real Madrid.
Muri iri tsinda kandi Apoel Nicosia yanize Borussia Dortmund banganya igitego 1-0 bituma kuri ubu Borussia Dortmund iba ku mwanya wa gatatu (3) n’inota rimwe inganya na Apoel Nicosia ya nyuma.
Mu itsinda rya Gatanu (E) byari imvura y’ibitego kuko imikino ibiri yabaye yabonetsemo ibitego 13. Liverpool itozwa na Jurgen Kloop yanyagiye Maribor ibitego 7-0 byarimo bibiri (2) bya Mohammed Salah, Philip Coutinho (1), Alex Oxlade Chamberlain (1), Roberto Firmino (1) na Alexander Arnold (1). Undi mukino warangiye Spartak Moscow inyagiye CF Sevilla ibitego 5-1.
Muri iri tsinda, Liverpool irayoboye n’amanota atanu (5), Spartak Moscow irayigwa mu ntege n’amanota atanu izigamye ibitego bine (4) kuri birindwi (7) bya Liverpool. CF Sevilla iryamye ku mwanya wa gatatu n’amanota ane naho Maribor ni iya nyuma n’inota rimwe (1).
Imikino yo mu itsinda rya mbere (A) kugeza mu itsinda rya kane (D) irakinwa ku mugoroba wo kuri uyu wa Gatatu tariki 18 Ukwakira 2017.
Dore uko imikino yarangiye (E-H):
Group E:
-Maribor CF 0-7 Liverpool
-Spartak Moscow 5-1 CF Sevilla
Group F:
-Feyenoord 1-2 Shaktar Donetsk
-Manchester City 2-1 SSC Napoli
Group G:
-AS Monaco 1-2 Besiktas
-RasenballSport Leipzig 3-2 FC Porto
Group H:
-Apoel Nicosia 1-1 Borussia Dortmund
-Real Madrid 1-1 Tottenham Hotspur
Mbere y'umukino babanje kwibuka abanya-Espagne bazize imvururu z'ibya Catalogna
Abafana ba Tottenham biriwe bategereje itangira ry'umukino
Mauricio Pochetino umutoza wa Tottenham Hotspur
ZineDine Zidane umutoza mukuru wa Real Madrid
Hugo Lloris kapiteni akaba n'umunyezamu wa Tottenham
Sergio Ramos kapiteni wa Real Madrid yikoza ibicu
Kylor Navas umunyezamu wa Real Madrid arwana no gufata umupira
Wari umukino utoroshye kuri Real Madrid yari mu rugo
Cristiano Ronaldo agerageza ishoti
Ikosa Serge Aurier yakoreye Toni Kroos
C.Ronaldo yagiranye akabazo na Jan Vertonghen bivamo ikarita y'umuhondo
Tottenham bava kwishimira igitego
Uko urutonde ruhagaze mu itsinda rya nyuma (H)
Igitego cya Harry Kane ku munota wa 28'
C.Ronaldo na Toby Alderweireld basanganira umupira
Tottenham izatangira imikino yo kwishyura yakira Real Madrid
Ronaldo amaze kwishyura igitego ku munota wa 43'
PHOTOS: DailMailOnline
TANGA IGITECYEREZO