Tariki ya 6 Ukwakira 2018 ni bwo ikipe ya APR FC igomba gucakirana na Mukura Victory Sport mu mukino w’umunsi w’igikombe kiruta ibindi mu gihugu (Super Cup2018), umukino uzabera ku kibuga cya sitade Umuganda iri mu karere ka Rubavu Saa cyenda (15h00’).
Mu Rwanda, Super Cup ni umukino uhuza ikipe yatwaye igikombe cya shampiyona n’ikipe yatwaye igikombe cy’Amahoro. Uyu mukino uzahuza ikipe ya APR FC ifite igikombe cya shampiyona n’ikipe ya Mukura Victory Sport yatwaye igikombe cy’Amahoro 2018 yatwaye itsinze Rayon Sports ku mukino wa nyuma.
Mukura Victory Sport kuri ubu ibitse igikombe cy’Amahoro 2018, inabitse icya 1978, 1986 na 1990. Mukura VS kandi yatsindiwe ku mukino wa nyuma inshuro eshatu (3) zirimo APR FC (4-2/1999), Rayon Sports (3-0/2005) na Atraco (1-0/2005).
Sekamana Maxime atambukana umupira kuri Iragire Said
Nk’uko bigaragara ku rubuga rucaho amakuru rwa FERWAFA, uyu mukino uzakinwa kuwa 6 Ukwakira 2018 mbere y'uko shampiyona izaba itangira tariki 19 Ukwakira 2018. Rayon Sports ni yo ibitse igikombe cya FERWAFA Super Cup 2017, igikombe yatwaye itsinze APR FC ibitego 2-0.
Sitade Umuganda ni yo izakira APR FC na Mukura Victory Sport
Rayon Sports ni yo ifite igikombe giheruka
Eng
RSS 
TANGA IGITECYEREZO