RFL
Kigali

REG BBC yisubije umwanya wa mbere nyuma yo kunyagira CSK-AMAFOTO

Yanditswe na: Mihigo Saddam
Taliki:8/05/2017 8:08
0


Rwanda Energy Basketball Club yongeye gusingira umwanya wayo wa mbere nyuma yo kwihererana CSK kuri iki Cyumweru ikayinyabika amanota 124-71 mu mukino wabereye kuri sitade nto ya Remera.



Wari umukino John Bahufite n’abakinnyi be batigeze baterwa igitutu kuko agace ka mbere bagatsinze ku kinyuranyo cy’amanota 21 kuko batsinzemo amanota 38-17. Agace ka kabiri bagasoje bafite amanota 29-24 bisa naho bajya kwegerana. REG yaje kuzamura umwuka mu gace ka gatatu igasaruramo amanota 31 kuri 18 ya Cercle Sportif de Kigali.

Agace ka kane REG yakomeje kutababarira CSK iyitsinda amanota 26 kuri 12. Bituma ikinyuranyo cy’amanota rusange y’umukino kiba 124 kuri 71. Indi mikino yabaye kuri iki Cyumweru, Rusizi Baketball Club yatsinzwe na IPRC South BBC amanota 100-57 naho IPRC Kigali yihaniza UGB iyibikamo amanota 84-59. REG BBC iraguma ku mwanya wa mbere n’amanota 27 mu gihe Patriots BBC iri ku mwanya wa kabiri n’amanota 26.

Dore uko imikino yose yagiye irangira:

Kuwa Gatanu tariki 5 Gicurasi 2017

*Espoir BBC 62-68 Patriots BBC

*APR BBC 89-51 Trente Plus BBC

Kuwa Gatandatu tariki 6 Gicurasi 2017

*The Hoops Rwa 68-58 Ubumwe BBC

Ku Cyumweru tariki7 Gicurasi 2017

*Rusizi BBC 57-100 IPRC South BBC

*CSK BBC 71-124 REG BBC

*IPRC Kigali BBC 84-59 UGB

REG BBC yari yaserukanye umwambaro w'umweru

REG BBC yari yaserukanye umwambaro w'umweru

CSK nayo yageraga aho yumva uko inkangara imera

CSK nayo yageraga aho yumva uko inkangara imera

IPRC Kigali (umuhondo) yagoranye na UGB birangira amanota atashye Kicukiro

IPRC Kigali (umuhondo) yagoranye na UGB birangira amanota atashye Kicukiro

AMAFOTO: FERWABA






TANGA IGITECYEREZO

Izina ryawe
Email yawe
Andika igitecyerezo




Inyarwanda BACKGROUND