Ikipe ya Rayon Sports yakomeje mu ijonjora rya kabiri ry’imikino ihuza amakipe yabaye aya mbere iwayo ku mugabane wa Afurika (Total CAF Champions League) nyuma yo gutsinda LLB igiteranyo cy’ibitego 2-1 mu mukino ibiri.
Iki giteranyo cyaje nyuma yaho iyi kipe yatsinze umukino wo kwishyura wakinwe kuri uyu wa Gatatu tariki 21 Gashyantare 2018 i Bujumbura. Rayon Sports yatsinze LLB igitego 1-0 cyatsinzwe na Shaban Hussein Tchabalala ku munota wa 33’.
Muri uyu mukino ikipe ya Rayon Sporst yatangiye ubona ko abakinnyi bafite ishyaka ryinshi n’ubwitange. Ibi byaje gutanga igitego cyavuye ku kazi gakomeye kakozwe na Nahimana Shassir.
Nyuma yo kuba Karekezi Olivier umutoza wa Rayon Sports yari yamaze kubona igitego, yakomeje guhiga ikindi, byatumye akuramo Manishimwe Djabel ashyiramo Ismaila Diarra usanzwe ari rutahizamu. Aha byatumye Shaban Hussein akina imbere ibumoso bityo Diarra ajya mu mwanya wa rutahizamu nyirizina.
Eric Rutanga Alba Akram yahawe ikarita y’umuhondo cyo kimwe na Muhire Kevin wanaje gusimburwa na Mukunzi Yannick mu gice cya kabiri. Mu mikino y’ijonjora rya kabiri, Rayon Sports izisobanura na Mamelodi Sundowns yo muri Afurika y’Epfo ifite iki gikombe yatwaye mu 2017.
Shaban Hussein Tchabalala amaze kureba mu izamu
Abafana ba Rayon Sports i Bujumbura
Abatoza ba Rayon Sports ubu bakwicara bakihemba kuko bakize igitutu cy'abafana
Abasifuzi b'umukino
Eric Rutanga ku mupira
11 ba Rayon Sports babanje mu kibuga
11 ba LLB babyiganira mu izamu mbere y'umukino
11 ba LLB
Rayon Sports izahura na Mamelodi Sundowns yo muri Afurika y'Epfo
Manishimwe Djabel yaje gusimburwa na Ismaila Diarra mu gice cya kabiri
AMAFOTO: NSENGIYUMVA Emmy (Inyarwanda.com)
TANGA IGITECYEREZO