Ahabanza Imikino

Rayon Sports yakoze imyitozo ya nyuma inasurwa n’abayobozi mbere yo gucakirana na Enyimba SC-AMAFOTO

Yanditswe na: Mihigo Saddam
Taliki:14/09/2018 21:15 0

Ku gica munsi cy’uyu wa Gatanu tariki ya 14 Nzeli 2018, ikipe ya Rayon Sports yakoze imyitozo ya nyuma yitegura kwakira Enyimba SC (Nigeria) nk’uko CAF iba ibiteganya mu marushanwa itegura.

Rayon Sports ikipe ya hano mu Rwanda yakoze amateka yo kugera muri ¼ cy’imikino ya Total CAF Confederation Cup 2018 nyuma yo kuva mu mikino y’amatsinda aho yari mu itsinda rya kane (D) kumwe na Gormahia FC na Yanga Africans zo zamaze gusezererwa bityo USM Alger ikaba ariyo yazamukanye na Rayon Sports baha akazina ka Gikundiro.

Mu myitozo y’uyu wa Gatanu tariki ya 15 Nzeli 2018, Robertinho de Calmo umunya-Brezil utoza ikipe ya Rayon Sports yibanze cyane kuri tekinike yo kwigisha abakinnyi uburyo bashobora gutindana umupira hagati mu kibuga bashaka uburyo baza gucomoka bashaka igitego (Ball Possession in the midfield of Play).

Imyitozo ya Rayon Sports yarimo abakinnyi 23

Nyandwi Saddam myugariro w'iburyo muri Rayon Sports aganira na Robertinho

Mutsinzi Ange Jimmy ntabwo ameze neza ijana ku ijana

Mugisha Gilbert ku mupira ashaka igitego kihuse

Roberto Oliviera Goncalvez de Calmo umutoza mukuru wa Rayon Sports

Nyuma basoza nibwo yaje gusa naho abagorora kugira ngo bagarure imbaraga mbere yo kubigisha ukuntu umukinnyi atsinda igitego bitamusabye gufunga umupira mu gihe awuhawe mu buryo bugoranye. Ibi byaje gukurikirwa no kwiyibutsa gutera penaliti ndetse no gutsindisha umutwe.

Imyitozo irangiye, abayobozi b’ikipe ya Rayon Sports bamanutse mu kibuga baganiriza abakinnyi babemerera ko ikitwa agahimbazamusyi kose babarimo bagahabwa ku mugoroba w’uyu wa Gatanu tariki 14 Nzeli 2018 ndetse ko mu gihe bazaba batsinze uyu mukino bazabona n’ibindi bishimishije kurushaho.

Manzi Thierry kapiteni w’ikipe ya Rayon Sports utazakina uyu mukino, yabwiye abanyamakuru ko abayobozi ba Rayon Sports baje kubwira abakinnyi ko ibyo babagomba bihari biteguye neza ahubwo ko igisigaye ari ukureba uko batsinda umukino bafitanye na Enyimba SC kugira ngo bakomeze kugan aheza.

“Byabaye ngombwa ko abayobozi baza mbere y’umukino kugira ngo tubashe kuganira kandi ngira ngo ibyo twari ducyeneye byose bamaze kubikubita hasi. Ibyo dufite byose turabibacyesha kandi n’ibyo twasabye baraza kubikora vuba. Badusabye intsinzi kandi natwe twayibijeje”. Manzi Thierry

Manzi Thierry myugariro wa Rayon Sports n'Amavubi