Rayon Sports yabonye rutahizamu mushya ukomoka muri Mali

Abicishije ku rukuta rwe rwa Twitter, Umunyamabanga w’ikipe ya Rayon Sports Gakwaya Olivier yifurije ikaze ,Ismaila Diarra, bigaragara ko yavutse ku itariki ya 16 Mutarama 1992.

Gakwaya Olivier yifurije Ismaila Diarra ikaze anerekana icyangombwa mpuzamahanga kimuzana muri Rayon Sports

Rutahizamu Ismael Diarra ni umwe mu bo umutoza wa Rayon Sports, Yvan Minaert yari yatangaje ko azakura muri Mali, aho yahoze atoza mbere yo kuza muri Rayon Sports ngo bamufashe gutwara igikombe cya shampiyona y'u Rwanda.

Ismaila Diarra

Gakwaya Olivier yabwiye  Makuruki ko Ismail Diarra yasinye amaserano yo gukinira Rayon Sports amezi atandatu azageza mu mpera z’uyu mwaka w’imikino akaba yaje muri Rayon Sports avuye mu ikipe ya Chabab Kenifra Atlas yo muri Maroc yari yagezemo avuye muri Azam FC.

Uyu rutahizamu ageze muri Rayon Sports mu gihe rutahizamu wayo w’Umugande atari yitabira imyitozo y’iyi kipe yatangiye tariki ya 28 Mutarama 2016, mu gihe shampiyona izasubukurwa ku itariki 13 Gashyantare 2016.

Hari n’amakuru yagiye avugwa ko uyu mugande ashobora kugurwa na Bugesera FC ikamutangaho amafaranga miliyoni 10.

Ubwo shampiyona izaba isubukurwa nyuma yo gusubikwa kubera imikino ya CHAN 2016, ikipe ya Rayon Sports izasura Gicumbi FC , ku itariki ya 13 Gashyantare 2016.