Ikipe ya Rayon Sports yaguye miswi na Yanga Africans banganya 0-0 mu mukino w’umunsi wa kabiri w’imikino ya Total CAF Confederations Cup 2018 waberaga i Dar Es Slaam muri Tanzania kuri uyu wa Gatatu tariki 16 Gicurasi 2018.
Muri uyu mukino ikipe ya Rayon Sports yagiye igerageza gushaka uburyo bwabyara igitego ariko bikaba ingorabahizi kuko abasore nka Shaban Hussein Tchabalala na Ismaila Diarra bagiye bareba mu izamu ariko bikaba ko bari bararaririye.
Ivan Minaert yabanjemo; Ndayishimiye Eric Bakame (GK, 1, C), Mutsinzi Ange Jimmy 5, Manzi Thierry 4, Mugabo Gariel 2, Mugisha Francois Master 25, Kwizera Pierrot 23, Manishimwe Djabel 28, Eric Rutanga Alba 3, Nyandwi Saddam 16, Ismaila Diarra 20 na Shaban Hussein Tchabalala 11.
Ivan Minaert yakoze impinduka mu gusimbuza akuramo Manishimwe Djabel ashyiramo Muhire Kevin ku munota wa 57' mu gihe Ismaila Diarra yasimbuwe na Christ Mbondy ku munota wa 72. Mugisha Francois Master yahaboneye ikarita y'umuhondo.
Rayon Sports yahise igwiza amanota abiri (2), Goramahia FC nayo ifite amanota abiri kuko yaguye miswi na USM Alger bakanganya 0-0 i Nairobi muri Kenya. USM Alger irakomeza kuziyobora n'amanota ane (4) mu gihe Yanga Africans ari iya nyuma n'inota rimwe (1) ikuye kuri Rayon Sports.
Rayon Sports izagaruka mu kibuga ikina Total CAF Confederations Cup 2018 kuwa 18 Nyakanga 2018 i Kigali yakira USM Alger ubwo bazaba bakina umukino wa gatatu wo mu itsinda rya kane (D).
Dore uko imikino yo mu itsinda D yarangiye:
-Yanga Africans 0-0 Rayon Sports
-Gormahia FC 0-0 USM Alger
Eng
RSS 
TANGA IGITECYEREZO