Ikipe ya Police FC yipimye na Heroes FC bakina umukino wa gishuti kuri uyu wa Gatandatu tariki ya 5 Gicurasi 2018 ku kibuga cya Kicukiro saa cyenda. Police FC yatsinze ibitego 3-1. Ni nyuma yuko umukino wabo na Rayon Sports wimuwe wari kuba warabaye kuwa Gatanu tariki ya 4 Gicurasi 2018 bakina umunsi wa 20 wa shampiyona.
Wari umwanya uhendutse kuri Albert Mphande umutoza mukuru wa Police FC kugira ngo arebe urwego rw’abakinnyi afite dore ko atarakina umukino n’umwe kuva yahabwa aka kazi. Muri uku kwiga uko abakinnyi be bahagaze, Albert Mphande yakoresheje amakipe abiri atandukanye muri uyu mukino.
Ikipe ya mbere yanganyije na Heroes FC igitego 1-1 mu minota 45’ y’igice cya mbere. Aba bakinnyi yahise abaha igihano cyo kwicara mu mazi kuko atiyumvishaga ukuntu ikipe yita iya mbere ibura intsinzi kuri Heroes FC. Igitego kimwe batsinze cyashyizwemo na Songa Isaie.
Heroes FC nayo ni ikipe ifite abakinnyi ubona bafite impano
Ikipe yabanje gukina iminota 45’ yari igizwe na; Nzarora Marcel (GK), Mpozembizi Mohammed, Muvandimwe Jean Marie Vianney, Twagizimana Fabrice Ndikukazi, Munezero Fiston, Nizeyimana Mirafa, Muzerwa Amin, Moustapha Nsengiyumva, Eric Ngendahimana, Songa Isaie na Mico Justin.
Nyuma mu gice cya kabiri yahise ashyiramo ikipe nshya itsinda ibitego 2-0 byatsinzwe na Biramahire Abeddy na Nzabanita David waje gusimburwa nyuma y'uko bari bamaze kugira ibitego bibiri (2) mu mukino.
Iyi kipe yakinnye igice cya kabiri yari irimo; Bwanakweli Emmanuel Fils (GK), Umwungeri Patrick, Muhinda Bryan, Ndayishimiye Celestin, Ishimwe Issa Zappy, Mushimiyimana Mohammed, Nzabanita David, Iradukunda Jean Bertrand, Neza Anderson, Ndayishimiye Antoine Dominique na Biramahire Abeddy.
Kenny Basteleus umubiligi utoza ikipe ya Heroes FC avuga ko ikipe ye yakinnye neza muri gahunda yo kwitegura umukino bafitanye na FA Intare bashaka itike ya 1/4 mu cyiciro cya kabiri
Nzabanita David (16) yatsinze igitego mbere yo gusimburwa
Muri iyi kipe baje gukoramo ugusimbuza hinjira Nduwayo Danny Bariteze (GK), Usabimana Olivier na Niyigaba Ibrahim ari nako havamo Bwanakweli Emmanuel Fils (GK), Nzabanita David na Iradukunda Jean Bertrand.
Biramahire Abeddy amerewe nabi n'abugarira ba Heroes FC
Karangwa Enock umuganga wa Police FC
Ikipe yabanje gukina bakoraga imyitozo bicaye mu mazi kuko imvura yari ihise
Niyonzima Jean Paul bita Robinho (7) afite ikibazo ku kirenge cy'ibumoso
SP Ruzindana Regis (hagati) umunyamabanga mukuru w'ikipe ya Police FC
Bwanakweli Emmanuel umunyezamu wa kabiri muri Police FC yaje gusimburwa na Nduwayo Danny Bariteze
Abari abasimbura ba Heroes FC bishyushya
Ndayishimiye Celestin aguruka umutego
Ndayishimiye Celestin ukina inyuma ibumoso muri Police FC n'Amavubi
Umwungeri Patrick Kapiteni wa Police FC
Albert Mphande umutoza mukuru wa Police FC atanga amabwiriza
Neza Anderson ashaka inzira mu bakina hagati muri Heroes FC
Muhinda Bryan akora ikosa
Niyigaba Ibrahim umwe mu bahembwa amafaranga menshi ariko udakina
Nduwayo Danny Bariteze yinjiye asimbuye Bwanakweli Emmanuel Fils mu izamu
Kenny Basteleus umubiligi utoza ikipe ya Heroes FC areba uko ikipe ye ihagaze
Nyuma y'umukino abakinnyi ba Heroes FC bazengurutse ikibuga mu buryo bwo kuruhuka
Isengesho rya Heroes FC nyuma y'umukino
AMAFOTO: Saddam MIHIGO (Inyarwanda.com)
Eng
RSS 
TANGA IGITECYEREZO