Police FC yafashe umwanya wa 3 nyuma yo gutsinda Kiyovu Sports, Songa Isaie yuzuza ibitego 6-AMAFOTO

Ni umukino wakinwe mu bukonje bw’imvura idakanganye yagwaga mu gice cya Mumena. Amakipe yombi yahuraga mu mukino w’umunsi wa 13 wa shampiyona anafite byinshi ahuriraho kuva ku batoza bose bagiye banyura mu makipe yari mu kibuga. Seninga Innocent yatoje Kiyovu Sport ari nako Cassa Mbungo Andre utoza SC Kiyovu yabanje guca muri Police FC mbere y'uko atoza Sunrise FC amanuka ku Mumena.

Abakinnyi ba Kiyovu Sport barimo kapiteni Mugheni Kakule Fabrice, Ngirimana Alexis, Habyarimana Innocent, Uwohoreye Jean Paul, Ndoli Jean Claude na Twagirimana Innocent bari muri 18 bahuye na Police FC baciyemo. Police FC yafunguye amazamu ku munota wa 57’ w’umukino ku gitego cyatsinzwe na Ndayishimiye Antoine Dominique wahise yuzuza ibitego bitatu mu mikino itatu (3).

Abakinnyi ba Police FC bishimira igitego cya Ndayishimiye Antoine Dominique (14)

Ndayishimiye Antoine Dominique, muri iyi shampiyona yatangiye areba mu izamu ku mukino batsinzemo FC Marines (1-0), yatsinze Espoir FC igitego ubwo bayitsindaga ibitego 2-1 mbere y'uko afungura amazamu ya SC Kiyovu.

Igitego cya kabiri cya Police FC cyaje ku munota wa 90’ gitsinzwe na Songa Isaie ku mupira yahawe na Mico Justin unaheruka gutanga umupira ubyara igitego ku mukino wa AS Kigali. Umukino warangiye Police FC itahanye amanota atatu y’umunsi (3).

Muri uyu mukino, ikipe ya Kiyovu Sport yatangiye ubona abakinnyi bayo basanzwe bayifasha nka Mugheni Kakule Fabrice na Nizeyimana Djuma ubona batabona uko batembera mu kibuga kuko bari bacunzwe cyane, ibi byaje kugira ingaruka kuri Habamahoro Vincent wakinaga hagati mu kibuga asimburwa na Francis Moustapha.

Aha, byabaye ngomba ko Mugheni Fabrice Kakule asubira inyuma agakinana na Rachid Kalisa bityo Francis Moustapha akina inyuma ya Nizeyimana Jean Claude bita Rutsiro. Police FC yakoreshaga impande cyane ariko ubona abakinnyi nka Muvandimwe Jean Marie Vianney na Manishimwe Yves bakinaga inyuma mu mpande bafite amasomo yo kutazamuka cyane birinda ko baza kwibwa umugono na Habyarimana Innocent cyo kimwe na Nizeyimana Djuma.

Ndayishimiye Antoine Dominique (imbere) yujuje ibitego 3 mu mikino 3

Cassa Mbungo Andre yaje kubona ko Police FC iri gufunga cyane hagati bituma afata Mbogo Ali amugira rutahizamu bityo mu bwugarizi hasigara umubare muto ari nacyo cyaje kubyara igitego cya Police FC baje guturuka hagati bahana hana umupira.

Nyuma yo kubona igitego, Songa Isaie yahise yuzuza ibitego bitandatu (6) muri shampiyona kuko abinganya na Ndarusanze Jean Claude wa AS Kigali udaherutse kureba mu izamu.

Mu gusimbuza, Cassa Mbungo yatangiye akuramo Nganou Alexis Russel ashyiramo Nizeyimana Jean Claude bita Rutsiro, Francis Moustapha asimbura Habamahoro Vincent.

Seninga Innocent yatangiye akuramo, Nzabanita David ashyiramo Ngendahimana Eric, Nizeyimana Mirafa wagize ikibazo cy’imvune asimburwa na Mushimiyimana Mohammed naho Mico Justin aha umwanya Muhinda Bryan.

Muri uyu mukino, Habyarimana Innocent (Kiyovu Sport), Mushimiyimana Mohammed na Manishimwe Yves ba Police FC buri umwe yahawe ikarita y’umuhondo.

Police FC yafashe umwanya wa gatatu n’amanota 22 inyuma ya AS Kigali nayo ifite 22 ikaba izigamye ibitego 11 mu gihe Police FC ifite birindwi (7). Kiyovu Sport iraguma ku mwanya wa mbere n’amanota 24.

Habyarimana Innocent yahawe ikarita y'umuhondo azira kugusha Nzabanita David 

Mico Justin (8) yatanze umupira wabyaye igitego (Assist)

Rachid Kalisa ashyirwa hasi na Mico Justin

Ndayishimiye Antoine Dominique ku mupira 

Abayobozi batandukanye mu nzego za Polisi y'igihugu bari bishimiye intsinzi

Dukuzumuremyi Antoine umunyamabanga mukuru w'ikipe ya Gicumbi FC yari ku Mumena nyuma yuko yaraye atsinzwe (1-0) na Rayon Sports

Abafana ba Police FC

Songa Isaie ahatana na Ngirimana Alexis 

Nizeyimana Mirafa yagize ikibazo cy'imvune

Bamusabye gusubiramo ati "Ashwiiiiii!!"

Manishimwe Yves nawe akomereje aho ageze yazitwara neza kuko inyuma ahagana iburyo nta kosa arahakorera 

Habyarimana Innocent ashaka inzira mu bakinnyi ba Police FC

Mashami Vincent umutoza wungirije mu Mavubi akunze kureba imikino ya shampiyona kuko ikipe y'igihugu ifite imikino imbere

Songa Isaie ahanganye na Mbogo Ali

Abasimbura ba Kiyovu Sport

Abanyeshuli ba St Andre

Bwanakweli Emmanuel umunyezamu wa kabiri muri Police FC ari kugenda azamura urwego 

Seninga Innocent umutoza mukuru wa Police FC atanga amabwiriza

Abakinnyi ba Police FC bishimira igitego cya Songa Isaie

Bongeyeho iminota irindwi

Ntabwo biba byoroshye 

Songa Isaie ubu afite ibitego bitandatu (6)

Mugheni Kakule Fabrice akurikiwe na Mico Justin

Abafana ba Kiyovu Sport

Umwungeri Patrick na Mbogo Ali mu kirere bashaka umupira

Umwungeri Patrick yinjira muri Nizeyimana Djuma 

Mushimiyimana Mohammed yinjiye asimbura Nizeyimana Mirafa

Urutonde rw'agateganyo rwa shampiyona 

Abafana ba Police FC bari bafashe Mumena atari na benshi

AMAFOTO: Saddam MIHIGO (Inyarwanda.com)