Peace Cup 2017: APR FC yageze ku mukino wa nyuma itsinze Amagaju FC igiteranyo cy’ibitego 6-1

Hakizimana Muhadjili ni we wafunguye amazamu ku munota wa gatatu (3’), Bizimana Djihad yungamo ku munota wa 19’ w’umukino. Amakipe avuye kuruhuka ni bwo Tuyishime Eric wari winjiye mu kibuga asimbuye Mukunzi Yannick, yaje kwinjiza igitego ku munota wa 67’ w’umukino.

Sekamana Maxime yabonye igitego ku munota wa 79’. Uyu musore nawe yinjiye mu kibuga asimbura Ngabonziza Albert. Igitego cy’agashinguracumu cyatsinzwe na Nshuti Innocent ku munota wa 90’ w’umukino.

Muri uyu mukino utabonetsemo amakosa menshi, APR FC yakoze amakosa ane (4) yatumye Amagaju FC atera imipira ine (4) y’imiterekano (Free-Kicks). Amagaju FC yakoze amakosa umunani (8) yatumye abakinnyi ba APR FC bayihana bakoresheje imipira iteretse.

Mu guhana hakoreshejwe amakarita, Ndizeye Innocent yahawe ikarita y’umuhondo azira ikosa yakoreye kuri Imanishimwe Emmanuel myugariro wa APR FC wari wagarutse nyuma yo kuba atarakinnye umukino ubanza.

Mu gusimbuza, Nsengiyumva Fabien yinjiye mu kibuga asimbura Ndizeye Innocent, Irakoze Gabriel yasimbuye Munezero Dieudonne ku ruhande rw’Amagaju FC atozwa na Nduwimana Pabro.

Ku ruhande rwa APR FC itozwa na Jimmy Mulisa, Issa Bigirimana wagize akabazo k’imvune yasohotse mu kibuga asimburwa na Nkizingabo Fiston wahinduriwe nimero kuko kuri ubu yafashe nimero 28 yambarwaga na Ngandu Omar wamaze kujya muri AS Kigali. Nkizingabo yari asanzwe yambara nimero 29.

Gusimbuza byakomeje bituma Tuyishime Eric asimbura Mukunzi Yannick nawe witwaye neza hagati mu kibuga naho Sekamana Maxime asimbura Ngabonziza Albert wahise atanga igitambaro cya kapiteni kwa Rusheshangoga Michel.

Abakinnyi ba APR FC bishimira igitego 

Nshuti Innocent (ibumoso), Sekamana Maxime (hagati) na Hakizimana Muhadjili (iburyo) buri umwe yagiye atsinda igitego

Abafana ba APR FC bigaragaza mu gufana

Bizimana Djihad umukinnyi utyaye muri iyi minsi hagati mu kibuga nawe yatsinze igitego

Nshimiyimana Imran ahetse Tuyishime Eric nk'igihembo cy'uko yabatsindiye igitego

Ubwo abafana binjiraga ku kibuga

Shaban Hussein Chabalala inyuma ya Nsabimana Aimable

Yannick Mukunzi yereka bagenzi be icyo bakora

Jimmy Mulisa abwira Mukunzi Yannick ati "Mutuze mushyire umupira hasi"

Shaban Hussein Chabalala agerageza gucenga Bizimana Djihad

Bizimana Djihad anyarukana umupira

Abafana ba APR FC

Farouk Ruhinda Saifi (iburyo) rutahizamu wa Bugesera FC wanakiniye APR FC 

Intebe y'abasimbura  ba APR FC

Abasimbura b'Amagaju FC

Amabwiriza acicikana ku ruhande rwa APR FC

Ndagijimana Theogene umwe mu basifuzi mpuzamahanga areba aho iminota igeze

Nduwimna Pabro umutoza w'Amagaju FC atanga amabwiriza

Sibomana Alataf w'Amagaju FC yumvana na Ngabonziza Albert kapiteni wa APR FC

Antoine Hey umutoza mukuru w'Amavubi na Mashami Vincent umutoza wungirije bari bahari

Abafana ba APR FC baraye neza ibyo aribyo byose

Nduwimna Pabro umutoza w'Amagaju FC yumiwe ubwo ibitego byari bimaze kurumbuka

Hakizimana Muhadjili ashyira umupira ku gituza

Nshuti Innocent nyuma y'umukino

Intare za APR FC Fan Club nyuma y'umukino

Abasifuzi barangije akazi

Agahinda kari kose ku bakinnyi b'Amagaju FC

AMAFOTO: Saddam MIHIGO/INYARWANDA.COM