Olivier Giroud yaciye kuri Zinedine Zidane mu batsindiye u Bufaransa ibitego byinshi

Giroud yageze kuri iyi ntego nyuma y’igitego yatsinze Abaholandi kuri iki Cyumweru tariki ya 9 Nzeli 2018 ubwo bakinaga umukino w’irushanwa rihuza ibihugu  bibarizwa mu mpuzamashyirahamwe y’umupira w’amaguru ku mugabane w’i Burayi (UEFA Nations Cup 2018).

Olivier Giroud ubu ararusha ibitego  Zinedine Zidane wasoje ibijyanye no gukina 

Uyu mugabo w’imyaka 32 yatsinze igitego ku munota wa 74 mu mukino n’ubundi Abafaransa basoje bafite ibitego 2-1. Giroud ntiyigeez atsinda igitego mu gikombe cy’isi 2018 u Bufaransa bwatwaye batsinze Croatia, gusa kuri ubu igitego yatsinze cyamufashije kongera kugarura izina mu gihe yari amaze adatsindira ikipe y’igihugu.

Akiri umukinnyi, Zidane yatsinze ibitego 31 

Mu bakinnyi bafite ibitego byinshi mu ikipe y’igihugu y’u Bufaransa, bayobowe na Thierry Henry (1997-2010) ufite ibitego 51 mu gihe Olivier Giroud wayigezemo mu 2011 afite ibitego 32 bimushyira ku mwanya wa kane (4) naho igihangange Zinedine Zidane (1994-2006) akaba ari ku mwanya wa gatanu (5) n’ibitego 31.

Thierry Henry yatsindiye Abafaransa ibitego 51 mu nshuro 123 yahamagawemo

Dore urutonde rw’abakinnyi 10 bamaze gutsindira u Bufaransa ibitego byinshi:

1.Thierry Henry: 51 (1997-2010) yahamagawe inshuro 123

2.Michel Platini : 41 (1976-1987) yahamagawe inshuro 72

3.David Trezeguet: 34 (1998-2008) yahamagawe inshuro 71

4.Olivier Giroud: 32 (2011-?) amaze guhamagarwa inshuro 83

5.Zinedine Zidane: 31 (1994-2006) yahamagawe inshuro 106

6.Just Fontaine: 30 (1953-1960) yahamagawe inshuro 21

7.Jean Pierre Pain: 30 (1986-1995) yahamagawe inshuro 54

8.YouriDjorkaeff : 28 (1993-2002 ) yahamagawe inshuro 82

9. Karim Benzema:  27 (2007-? Amaze guhamagarwa inshuro 81

10.Sylvain Wiltord: 26 (1999-2006) yahamagawe inshuro 9

Paul Pogba ukina hagati muri Manchester United na France amaze gutsinda ibitego 10