RFL
Kigali

Nsengimana yongeye kuba uwa 6 muri “Tour Meles Zenawi for Green Development”

Yanditswe na: Mihigo Saddam
Taliki:29/08/2017 20:42
0


Nsengimana Jean Bosco umwe mu banyarwanda batandatu bahagurutse mu Rwanda bajya kwitabira isiganwa rya Tour Meles Zenawi for Green Development riri kubera muri Ethiopia kuva kuwa 28 Kanama 2017 kuzageza kuwa 2 Nzeli 2017. Uyu musore yongeye kuba uwa gatandatu, umwanya yajeho ku munsi wa mbere w’isiganwa.



Kuri uyu wa Kabiri tariki 29 Kanama 2017 ubwo hakinwaga agace kavaga i Alaba bagana i Wolayitaku ntera ya kilometero 90 (90 KM), Nsengimana Jean Bosco yatahukanye umwanya wa gatandatu (6) akoresheje amasaha abiri, iminota ine n’amasegonda 42 (2h04’42”) asinzwe amasegonda 21” na Fiseha Gebremarian (Ethiopia)  waje ku mwanya wa mbere akoresheje 2h04’21” ku mwanya wa mbere anganya na mugenzi we Tedros Redae.

Tuyishimire Ephraim yaje ku mwanya wa karindwi (7) akoresheje 2h04’44” biboneka ko yarushijwe na Bosco amasegonda abiri gusa.

Uwizeyimana Bonaventure yafashe umwanya wa 20 akoresheje 2h05’22” mu gihe Uwiduhaye yasoje ku mwanya wa 22 akoresheje 2h05’38”. Gasore Hategeka yatahanye umwanya wa 29 akoresheje 2h07’41” mu bakinnyi 89 barangije aka gace.

Nyuma y’uduce tubiri tumaze gukinwa, Smit Wioem Jakobus (South Africa) ari ku mwanya wa mbere ku rutonde rusange (General Classification) kuko amaze gukoresha amasaha atanu, n’amasegonda 51’ (5h00’51”) mu gihe Umunyarwanda uri hafi ari Nsengimana Jean Bosco uri ku mwanya wa gatanu (5) kuko amaze gukoresha amasaha atanu, umunota umwe n’amasegonda atanu (5h01’05”) agakurikirwa na Ephraim Tuyishimire ku mwanya wa Gatandatu kuko banganya ibihe.

Ndayisenda Valens yatobokesheje inshuro ebyiri bituma ava mu irushanwa

Ndayisenda Valens yatobokesheje inshuro ebyiri bituma ava mu irushanwa

Kuwa Mbere tariki 28 Kanama 2017, Umunyarwanda waje hafi hakinwa  agace ka mbere kareshyaga n’ibilometero 120 (120KM)  ni Nsengimana Jean Bosco waje ku mwanya wa 6 akoresheje 2h56’23” akahagerera rimwe na Tuyishimire Ephrem wabaye uwa 7 banganya ibihe. Gasore Hategeka we yaje ku mwanya wa 13 n’aho Uwiduhaye aba uwa 22 mu gihe Bonaventure Uwizeyimana we yahageze ari uwa 24.

 

 

 






TANGA IGITECYEREZO

Izina ryawe
Email yawe
Andika igitecyerezo




Inyarwanda BACKGROUND