Nahimana Shassir ntari mu bakinnyi 18 Masud Djuma azitabaza ahura na Rivers United

Nahimana Shassir ufite ibitego 12 muri shampiyona, ntari ku rutonde rw’abakinnyi 18 umutoza Masud Djuma yahisemo kuzitabaza akina na Rivers United kuri iki Cyumweru tariki 16 Mata 2017 bitewe n’akabazo k’imvune nk’uko yabitangarije abanyamakuru nyuma y’imyitozo yo kuwa Kane tariki 13 Mata 2017.

Hari hari akabazo gato ka Shassir wari urwaye mu minsi ibiri ariko nawe mwamubonye ko yatangiye imyitozo. Abandi barahari bameze neza. Masud Djuma

Nk’uko kandi uyu mutoza yari yavuze ko atasiga Sibomana Abouba Bakary nk’umukinnyi ufite ubunararibonye, niko byagenze kuko ari mu bakinnyi 18.

Ibitego bibiri (2) yanyabitse Amagaju FC, byatumye Nsengiyumva Moustapha yisanga ku rutonde rw’abakinnyi 18 bagomba kujya kureba uko Rivers United ihagaze mbere yo kuzayakira kuwa 22 Mata 2017 kuri sitade Amahoro.

Mu bakinnyi 18 Irambona Masud Djuma yagiriye ikizere harimo abanyezamu babiri (2), Abugarira batanu (5), abakina hagati icyenda (9) n’abataha izamu babiri (2).

Abakinnyi 18 bagomba kuzahangana na Rivers United:

Abazamu (2): Ndayishimiye Eric Bakame (GK,C), Evariste Mutuyimana (GK).

Abugagrira (5): Manzi Thierry, Munezero Fiston, Gabriel Mugabo, Abouba Sibomana, Eric Irambona.

Abo hagati (9): Mugisha Francois Master, Niyonzima Olivier Sefu, Kwizera Pierrot, Mugheni Fabrice, Muhire Kevin, Manishimwe Djabel, Nshuti Dominique Savio, Nova Bayama, Nsengiyumva Moustapha,

Abasatira (2): Moussa Camara na Tidiane Kone

Rayon Sports izambikana na Rivers United (Nigeria) ku Cyumweru tariki 16 Mata 2017 saa kumi z'umugoroba ku masaha ya Nigeria (16h00') bikazaba ari saa kumi n'imwe z'umugoroba ku masaha ya Kigali (17h00'). Umukino uzabera kuri Liberation stadium.

Nahimana Shassir agomba gusigara i Kigali biturutse ku kabazo k'imvune 

Ibitego bibiri yabikije Amagaju FC byatumye Nsengiyumva Moustapha abona amahirwe yo kujya mu bakinnyi 18 

Iminota 25' yakinnye batsinda Amagaju FC ibitego 4-1 yari igipimo cyiza cyo kumenya niba Sibomana Abouba Bakary ahagaze neza

Amafoto y'imyotoza ya nyuma Rayon Sports yakoze:

Manishimwe Djabel ku mwitozo wa koruneri 

Abakinnyi bazurira indege bagana muri Nigeria biteganyijwe ko bamenyekana kuri uyu wa Gatanu

Abakinnyi ba Rayon Sports bigorora ingingo

Irambona Masud Djuma umutoza mukuru wa Rayon Sports ubwo yaganiraga n'abanyamakuru nyuma y'imyitozo

Munezero Fiston  myugariro wa Rayon Sports

Abatoza baganira ku ikipe 

Kwizera Pierrot akina n'umupira mu myitozo

Mutuyimana Evariste umunyezamu wa Rayon Sports yitoza uko barekura ishoti riremereye

Manzi Thierry  uzitabazwa inyuma ku ruhande rw'ibryo ahitwa kuri kabiri 

Uhereye ibumoso: Niyonzima Olivier Sefu, Irambona Gisa Eric, Muhire Kevin na Nova Bayama

Rutahizamu Tidiane Kone 

Rutahizamu Moussa Camara 

Ndayishimiye Eric Bakame umunyezamu akaba na kapiteni wa Rayon Sports

Masud Djuma atanga amabwiriza

Masud avuga ko Abouba Sibomana ari umwe mu bakinnyi bafite ubunararibonye adashobora gusiga

Ubwo Gacinya Denis perezida w'ikipe ya Rayon Sports yasesekaraga ku kibuga cya Mumena

Mutsinzi Ange Jimmy ntazajyana n'ikipe ya Rayon Sports

Mugheni Fabrice (wambaye akenda gatukura) arwanira umupira na Manzi Thierry

Umukino wa Rayon Sports uba ushingiye kuri Kwizera Pierrot

Savio Nshuti Dominique mu myitozo

Mugisha Francois Master yicaye aruhuka

Niyonzima Olivier Sefu ukina hagati muri Rayon Sports

Gacinya  Denis(iburyo) na Lomami Marcel (ibumoso)

Rayon Sports izakina na Rivers United (Nigeria) kuri iki Cyumweru tariki 17 Mata 2017

AMAFOTO: MIHIGO Saddam/INYARWANDA.COM