Umunyarwanda Adolphe Mutoni wakiniye amakipe atandukanye mu Rwanda ndetse n’ikipe y’igihugu y’ u Rwanda, yasinyiye ikipe ya Gimme Waasland, mu cyiciro cya kabiri mu gihugu cy’ u Bubiligi.
Iyi kipe ya Gimme Waasland, ikaba yarabaye iya Kane mu mwaka ushize wa shampiyona y ‘ ikiciro cya kabiri. Mutoni Adolphe akaba yarakiniye amakipe atandukanye mu Rwanda nka APR VC, Rayon Sport VC, UNIK VC, icyahoze ari Kaminuza nkuru y’ u Rwanda ‘NUR’ (ubu yabaye UR Huye), Amasata VC na St Joseph Kagbayi.
Nk’uko inkuru duskesha urubuga rwa FRVB ibivuga, uyu musore akaba yasinye amasezerano y’imyaka ibiri (2) ashobora kongerwa mu gihe yaba yitwaye neza. “Nabonye urwandiko runyemerera gusinyira ikipe nshaka mbifashijwemo n’ishyirahamwe ry’ umukino wa volleyball mu Rwanda nashimira cyane. Ndashimira cyane umuyobozi wa FRVB Karekezi Leandre wamfashije kuko niwe wavuganaga n’ ishyirahamwe rya volleyball ryo mu Bubiligi, kugira ngo babashe kumpa ibyangombwa binyemerera gukina. Sinakwibagirwa na Christian Hatungimana n’ abandi bose bagize uruhare mu kumfasha. Umwaka ushize ntibyankundiye gukina kuko ikipe ya Rayon Sports itampaye urwandiko rundekura, biza no kungora kuko Rayon Sports yari itagihari.” Mutoni Adolphe.
Mutoni Adolphe yaciye no muri APR VC
Adolphe Mutoni akaba yiyongereye ku bandi bakinnyi b’abanyarwanda bakina hanze nk’ababigize umwuga, barimo Mukunzi Christophe, Yakan Laurence, Yvan Mahoro na Musoni Fred.
Gimme Waasland Mutoni Adolphe yerekejemo
Eng
RSS 
TANGA IGITECYEREZO