Ubuyobozi bwa Mukura VS bwishimiye gutangariza abanyarwanda n’abakunzi ba Mukura Vs by’umwihariko ko bwasinyishije rutahizamu Mutebi Rachid, watsindiye Gicumbi FC ibitego 11 muri shampiyona ya 2016/2017.
Mutebi yasinye amasezerano y’imyaka ibiri kuri uyu wa gatanu taliki 21 Nyakanga 2017. Amaze gusinya, Mutebi yijeje abakunzi ba Mukura kuzatsinda ibitego byinshi. Niyobuhungiro Fidele, umunyamabanga mukuru yavuze ko bishimiye kugura umukinnyi mwiza kandi ukiri muto.
Ibyo wamenya kuri Mutebi
Mutebi yabonye izuba taliki 06 Nyakanga 1997 i Lugoba i Kampala muri Uganda.
Yatangiriye umupira muri Bidico FC y’i Jinja mu 2014, atizwa muri Sadolin FC ahava muri atizwa muri Villa SC muri uwo mwaka.
Muri Kanama 2015 yagiye muri Gicumbi FC atsinda ibitego umunani mu mwaka we wa mbere ; anabona ibitego 13 mu mwaka we wa kabiri (birimo 11 muri shampiyona na bibiri by’igikombe cy’Amahoro’’.
Niyobuhungiro Fidele (ibumoso) na Mutebi Rachid(iburyo) wahawe nimero 9
Ivomo: Urubuga rwa Mukura
Eng
RSS 
TANGA IGITECYEREZO