Ku gicamunsi cy’uyu wa Kabiri tariki 21 Werurwe 2017 ni bwo Ishyirahamwe ry’umupira w’amaguru mu Rwanda (FERWAFA) ryeretse abanyamakuru Antoine Hey umutoza mukuru w’ikipe y’igihugu Amavubi. Nzamwita Vincent de Gaule avuga ko mu gihe u Rwanda rwabura itike y’igikombe cya Afurika 2019 azirukanwa.
Antoine Hey wasinye amasezerano y’umwaka umwe ushobora kongerwa avuga ko muri gahunda ze ashaka kuzafasha u Rwanda kubona itike y’igikombe cya Afurika cy’ibihugu gikinwa n’abakinnyi bakina imbere mu bihugu bavukamo (CHAN2018) ndetse n’itike y’igikombe cya Afurika cy’ibihugu cya 2019 (AFCON2019).
Nzamwita avuga ko mu mwaka wa mbere mu masezerano Antoine Hey afite akazi kenshi ari ako kuzashaka uburyo u Rwanda rwajya mu mwanya mwiza wo kwitegura amarushanwa ari imbere.
Mu masezerano y’imyaka ibiri, mu mwaka wa mbere niho ubona afite akazi kenshi. Wenda aho umuntu yavuga ashobora no kwirukanwa ni igihe twabura itike ya CAN 2019. Nzamwita Vincent de Gaule
Nzamwita kandi akomeza avuga ko mu kazi ka Antoine Hey agomba kuzaba yungirijwe n’abatoza bavuka mu Rwanda ahanini binagendanye no kuba ku wa Mbere abatoza 12 baranabonye ibyangombwa bitabazitira kuba bajya muri uyu mwanya.
Ku ruhande rwa Antoine Hey avuga ko afite amakuru ku ikipe y’igihugu y’u Rwanda kuko ngo yabonye iyi kipe ubwo yakinaga na Libya, Tunisia ndetse n’imikino ya CHAN2016 yaberaga mu Rwanda. Hey kandi avuga ko byanga bikunda agomba gufasha u Rwanda kubona itike ya CHAN2018 na AFCON2019.
Antoine Hey wahoze akina hagati mu kibuga yasinye amasezerano y’imyaka ibiri (2) azamara mu Rwanda. Uyu yakinnye mu makipe atandukanye arimo; Fortuna Düsseldorf (1989-1992) na Schalke 04 (1992-1994) zo mu Budage. Yakinnye kandi muri Birmingham City (Angleterre) na Anorthosis Famagouste (Chypre).
Mu bijyanye no gutoza amakipe y’ibihugu, Antoine Hey yatoje Lesotho (2004-2006), la Gambie (2006-2007), Liberia (2008-2009), Kenya (2009). Yatoje Monastir (2007) ikipe yo muri Tunisia ndetse na Al-Merreikh (Sudan, 2016-2017).
Mu kiganiro cye cya mbere n'abanyamakuru, Antoine Hey yavuze ko u Rwanda azarufasha kubona itike ya CHAN2018 na AFCON 2019
Bugingo Emmanuel umuyobozi wa siporo muri MINISPOC
Uwamahoro Latifah umunyamabanga mukuru wa FERWAFA
Bugingo Emmanuel avuga ko MINISPOC idashobora gushyira ahagaragara umushahara mbumbe Antoine Hey azahembwa
Abanyamakuru basobanuriwe neza intego za Antoine Hey
Eng
RSS 
TANGA IGITECYEREZO