Mpozembizi Mohammed myugariro w’iburyo mu ikipe ya Police FC ari ku rutonde rw’abakinnyi umunani (8) FERWAFA yashyize ahagaragara ko batemerewe gukina imikino y’umunsi wa 24 wa shampiyona bazira kuba bafite amakarita atatu y’imihondo cyo kimwe n’imituku.
Mpozembizi Mohammed umaze iminsi afasha Police FC kugarira no kuzamukana imipira ku ruhande rw’iburyo, ntazitabazwa mu ikipe izasura Etincelles FC mu mukino uzakinirwa kuri sitade Umuganda kuri iki Cyumweru saa cyenda n’igice (15h30’).
Andi makipe azaba afite abakinnyi bahagaritswe kubera amakarita harimo, AS Kigali izaba idafite Ndahinduka Michel ubwo izaba yasuye Kirehe FC ku Cyumweru, Musanze FC ntiraba ifite rutahizamu Wai Yeka ubwo baraba bakina na FC Marines kuri uyu wa Gatanu kuri sitade Umuganda.
Imikino y’umunsi wa 24 wa shampiyona imyinshi yimuriwe ku Cyumweru tariki 23 Mata 2017 kuko kuri uyu wa Gatandatu tariki 22 Mata 2017 ikipe ya Rayon Sports iraba yakira Rivers United mu mukino wo kwishyura wa CAF Total Confederations Cup, umukino uzabera kuri sitade Amahoro i Remera saa cyenda n’igice (15h30’).
Umukino rukumbi uteganyijwe kuri uyu wa Gatanu ni uwo FC Marines igomba kwakiramo FC Musanze saa cyenda n’igice (15h30’) kuri sitade Umuganda mu rwgo rwo kugira ngo ikibuga kizabe kiboneka ubwo Etincelles FC izaba yakira Police FC ku Cyumweru tariki 23 Mata 2017.
Dore urutonde rw’abakinnyi batemereww gukina umunsi wa 24 wa shampiyona:
Mpozembizi Mohammed myugariro w'iburyo wa Police FC uzwiho gutera kouruneri z'iyi kipe y'abashinzwe umutekano
Uko imikino y’umunsi wa 24 iteganyijwe:
Kuwa Gatanu tariki 21 Mata 2017
*FC Marines vs FC Musanze (stade Umuganda, 15h30’)
Ku Cyumweru tariki 23 Mata 2017
*APR FC vs Kiyovu Sports (Stade de Kigali,15:30)
*Amagaju FC vs Sunrise FC (Nyagisenyi,15:30)
*Bugesera FC vs Gicumbi FC (Nyamata,15:30)
*Pepiniere FC vs Espoir FC (Ruyenzi,15:30)
*Kirehe FC vs AS Kigali (Kirehe,15:30)
*Etincelles FC vs Police FC (Umuganda,15:30)
*Rayon Sports vs Mukura VS (Ikirarane)
Eng
RSS 
TANGA IGITECYEREZO