Akanama kagenga imyitwarire mu ishyirahamwe ry’umupira w’amaguru mu Rwanda kamaze guhana Masud Djuma utoza Rayon Sports na Nduhirabandi Abdulkalim Coka wa FC Marines kutazatoza imikino y’umunsi wa 20 wa shampiyona nyuma yaho bahawe amakarita atukura bazira kurenga imirongo yabagenewe.
Ubwo ku Cyumweru Rayon Sports yatsindaga FC Marines ibitego 2-1, aba batoza bazamuwe mu bafana bazira ko batangaga amabwiriza ariko bakaryoherwa bakarenga imirongo yabagenewe kuri sitade ya Kigali.
Ibi byabaviriyemo guhanwa umukino umwe badatoza nk’uko Ruboneza Placide yabitangarije The New Times. “Birasobanutse ku batoza bose, bahanishijwe kuzamara umukino umwe badatoza bitewe n’ibyabaye gusa nta mafaranga bazacibwa”.
Ibi bivuze ko Masud Djuma atazatoza umukino ikipe ya Rayon Sports izasuramo Bugesera FC kuwa 22 Werurwe 2017 mu gihe Nduhirabandi Abdulkalim bita Coka atazayobora umukino FC Marines ifitanye na Bugesera FC kuri iki Cyumweru.
Ubwo Nduhirabandi yazamurwaga mu bafana
Ubwo Masud yari abwiwe ko agomba kuzamuka mu bafana
Ubwo abatoza bombi bazamukaga mu bafana
Nduhirabandi Abdulkalim mu bafana
Masud Djuma mu bafana
Eng
RSS 
TANGA IGITECYEREZO