RFL
Kigali

Mashami Vincent yakoze impinduka ahereye mu izamu mu bakinnyi 11 babanza mu kibuga bacakirana na Guinea

Yanditswe na: Mihigo Saddam
Taliki:12/10/2018 15:35
3


Mashami Vincent umutoza mukuru w’ikipe y’igihugu Amavubi yamaze gusohora urutonde rw’abakinnyi 11 babanza mu kibuga ubwo u Rwanda ruraba rucakirana na Guinea mu mukino w’umunsi wa gatatu wo gushaka itike y’igikombe cya Afurika cy’ibihugu cyo muri 2019 kizabera muri Cameroun.



Uyu mukino uraba kuri uyu wa Gatanu Saa kumi n’igice ku masaha y’i Conakry (16h30’) bikaba saa kumi n’ebyiri n’igice ku masaha ya Kigali (18h30’). Mashami ushaka amanota atatu ku bubi n’ubwiza, yakoze impinduka mu ikipe y’abakinnyi 11 babanza mu kibuga ku kigereranyo cyava mu babanje mu kibuga ku mukino wa Cote d’Ivoire.

Uhereye mu izamu; Kimenyi Yves wa APR FC araba abanza mu gihe Kwizera Olivier ufatwa nk’umunyezamu wa mbere yabanje hanze ahanini bitewe n’ikosa yakoze ku mukino u Rwanda rwatsinzwemo na Cote d’Ivoire i Kigali.

Kimenyi Yves umunyezamu wa APR FC  niwe wabanje mu izamu

Kimenyi Yves umunyezamu wa APR FC ni we wabanje mu izamu

Mashami yaje kunyarukira hagati mu kibuga akuramo Yannick Mukunzi ashyiramo Iranzi Jean Claude wari umusimbura ku mukino wa Cote d’Ivoire.  Undi mwanya wabayeho impinduka ni aho Haruna Niyonzima yatanze umwanya kugira ngo Jacques Tuyisenge abone aho yigaragariza. Mu gihe Eric Rutanga yahaye umwanya Imanishimwe Emmanuel wari wabanje hanze ku mukino wa Cote d’Ivoire.

Kwizera Olivier umunyezamu wa Free State Stars yabanje hanze

Kwizera Olivier umunyezamu wa Free State Stars yabanje hanze

Dore abakinnyi babanza mu kibuga (Amavubi XI):

Kimenyi Yves (GK, 18), Ombolenga Fitina 13, Imanishimwe Emmanuel 2, Nirisarike Salomon 14, Rwatubyaye Abdul 16, Mugiraneza Jean Baptiste Miggy (C,7), Bizimana Djihad 4, Iranzi Jean Claude 12, Jacques Tuyisenge 9, Kagere Meddie 5 na Hakizimana Muhadjili 10.

Amavubi

Uburyo bwo guhagarara mu kibuga

Haruna Niyonzima  kapiteni w'Amavubi

Haruna Niyonzima kapiteni w'Amavubi yabanje hanze

Yannick Mukunzi ku mupira  nawe yabanje hanze

Yannick Mukunzi ku mupira nawe yabanje hanze

11 babanje mu kibuga ku mukino wa Cote d'Ivoire

11 babanje mu kibuga ku mukino wa Cote d'Ivoire






TANGA IGITECYEREZO

Izina ryawe
Email yawe
Andika igitecyerezo

IBITECYEREZO

  • petti abdul 5 years ago
    Njye ndabona arugutegerez uko biranjyira kuko iyi liste ntamahirwe nyifitiye pe murab mureb pe
  • Job5 years ago
    Uyu si umutoza ni akamaramaza, abakinnyi bafite experiences abashyize ku gatebe ngo ashakire ubunararibonye abazasohoka umwaka utaha, ahhhh reka dutegereze ariko ntacyo mbijeje
  • NSABIMANA Jean Claude5 years ago
    Ndabona Habuzemo Buteera Andrew





Inyarwanda BACKGROUND