Ljubomir Ljupko Petrovic umunya-Serbia wari umaze amezi umunani ari umutoza mukuru w’ikipe ya APR FC, ku mwaka 71 y’amavuko yasezeye ku mwuga wo gutoza nyuma y'uko abaganga bamubwiye ko afite ikibazo cy’umutima we udahagaze neza bijyanye n’imyaka y’ubukure agezemo.
Mu ibaruwa yandikiye ikipe ya APR FC ndetse nk’uko binagaragara ku rubuga rutangirwaho amakuru ava muri iyi kipe, ni uko uyu mutoza yanditse ibaruwa kuwa 15 Ugushyingo 2018 mbere y'uko APR FC babitangaza kuri iki Cyumweru tariki 18 Ugushyingo 2018.
Muri iyi baruwa, Petrovic wafashije APR FC gutwara igikombe cya shampiyona 2017-2018 akanabaha igikombe kiruta ibindi (Super Cup 2018) atsinze Mukura Victory Sport ibitego 2-0, avuga ko n'ubwo yari akiri muri aka kazi yari asanzwe afite ikibazo cy’umutima nk’uko ngo umuganga umwitaho yabimumenyesheje nyuma y’ibizamini.
Uyu mutoza akomeza avuga ko asezeye uyu mwuga mu buryo atifuzaga kuko ngo yumva ko agiye kwibagirana mu kazi akunda mu buzima bwe bw’umupira w’amaguru. Ikindi ngo Petrovic ababajwe no kuba asezeye uyu mwuga atageranye na APR FC mu mikino ya Total CAF Champions League bagomba gutangira urugendo rwayo kuwa 29 Ugushyingo 2018 bakina na Club Africain.
Petrovic Ljubomir wari umutoza wa APR FC yasezeye kuri aka kazi n'umwuga muri rusange
Ibaruwa Petrovic yanditse asezera kuri APR FC
Muri Werurwe 2018 ubwo Petrovic yari aje muri APR FC, bwari ubwa kabiri kuko iyi kipe yayitoje muri 2014. Kuri ubu yari ayimazemo amezi umunani (8) nyuma yo kurangiza umwaka w’imikino 2017-2018 akaba yari amaze gutsinda imikino itanu (5) ya shampiyona 2018-2019.
Petrovic avuga ko uretse ko ubuzima bwanze atakabaye ava mu mwuga wo gutoza
Jimmy Mulisa (Ibumoso) ugomba gusigara areba ikipe , Petrovic (hagati) yasezeye ku mwuga, Mugisha Ibrahim Sissoko umutoza w'abanyezamu
PHOTOS: Saddam MIHIGO (Inyarwanda.com)
Eng
RSS 
TANGA IGITECYEREZO