Lionel Messi yakoresheje indege ye bwite yandikishijeho nimero 10, amazina y’umugore we n’abana be

Lionel Messi w’ikipe ya Barcelone yaguze indeye ye bwite yamuhagaze agera kuri mapawundi miliyoni 12. Ni indege azajya akoresha mu ngendo ze bwite ari kumwe n’umuryango we. Uyu mukinnyi w’ikipe y’igihugu ya Argentine azatangira gukoresha iyi ndege ubwo izaba imaze gutunganwa neza.

Ikinyamakuru Goal cyanditse ko iyi ndege yakozwe na kompanyi yo muri Argentine ari nayo yahisemo uko ikwiye kuba imeze n’uko iteye.

Iyi ndege ku mubaba yayo handitseho nimero 10 akoresha mu kibuga, ku rwego rwinjira muri iyi ndege yandikishijeho amazina y’abo mu muryango we. Yandikishije Antonela, umugore we ndetse n’abana batatu:Thiago, Ciro na Mateo. Bivugwa ko iyi ndege ifite imyanya 16 ishobora guhindurwamo ibitanda umunani, hiyongeraho ubwogero bubiri ndetse n’ibikoni bibiri.  

Lionel Messi yandikishije nimero 10 ku ndege agiye kujya akoresha mu ngendo bwite n'umuryango we.

Kuya 18 Mutarama 2018 Ikinyamakuru The Sun cyasohoye inkuru igaragaza uko abakinnyi barushanwa mu kugura indege zihenze; ku mya wa 10 hari Ronaldinho [indege yayiguze amapawundi miliyoni 2.6], ku mwanya wa cyenda ni Kaka [Indege yayiguze amapawundi miliyoni 5.7].

Ku mwanya wa munani ni Gareth Bale [indege yayiguze amapawundi miliyoni 8.6], ku mwanya wa karindwi ni Neymar [Indege yayiguze amapawundi miliyoni 10.8], ku mwanya wa Gatandatu ni wayne Rooney [indege yayiguze amapawundi miliyoni 14], ku mwanya wa Gatanu ni Paul Pogba [Indege yayiguze apawundi miliyoni 18],

Ku mwanya wa Kane ni David Beckham [Indege yayiguze amapawundi miliyoni 19], ku mwanya wa Gatatu ni Zlatan Ibrahimovic [Indege yayiguze amapawundi miliyoni 21], ku mwanya wa kabiri ni Lionel Messi [Indege yayiguze amapawundi miliyoni 25], Cristiano Ronaldo ari ku mwanya wa mbere n’indege yaguze amapawundi miliyoni 28].

AMAFOTO:

Iyi ndege ifite imyanya 16.

Yandikishije amazina y'abana be ndetse n'amazina y'umugore we.