RFL
Kigali

Kuri uyu wa Kabiri ni bwo Rayon Sports izamenya iyo bazahura

Yanditswe na: Mihigo Saddam
Taliki:20/03/2017 17:38
0


Nyuma y'uko ikipe ya Rayon Sports iboneye itike igana mu matsinda y’imikino Nyafurika ihuza amakipe yatwaye ibikombe by’ibihugu, kuri uyu wa Kabiri tariki 21 Werurwe 2017 ni bwo imenya itsinda izaba irimo.



Ni muri tombola izabera i Cairo mu Misiri ku cyicaro gikuru cy’impuamashyirahamwe y’umupira w’amaguru muri Afurika (CAF). Ku masaha ya Kigali, iyi tombola izaba saa tanu z’amanywa (11h00’). Amakipe yabonye itike muri CAF Total Confederation azajya atombola amakipe yatsindiwe muri CAF Champions  League.

Imikino ibanza izakinwa mu mpera z’icyumweru cya tariki 7-9 Mata 2017 mu gihe imikino yo kwishyura izakinwa kuva kuwa 14-16 Mata 2017.

Amakipe yabonye itike muri CAF Total Confederations Cup:

MC Alger, JS Kabylie (Algeria), Recreativo do Libolo (Angola), ASEC Mimosas (Cote d’Ivoire), El Masry, Smouha (Egypt), MAS Fes, Ittihad Tangier (Morocco), Rayon Sports (Rwanda), Hilal El Obeid (Sudan), Mbabane Swallows (Swaziland), Platinum Stars, Supersport United (South Africa), Club Africain, CS Sfaxien (Tunisia), Zesco United (Zambia)

Amakipe yatsindiwe muri  muri CAF Champions League :

RC Kadiogo (Burkina Faso), AC Leopards (Congo), AS Tanda (Cote d’Ivoire), TP Mazembe (DR Congo), Mounana (Gabon), Gambia Ports Authority (Gambia), Horoya (Guinea), CNaPS (Madagascar), AS Port Louis (Mauritius), FUS Rabat (Morocco), Barrack Young Controllers (Liberia), Rivers United, Rangers (Nigeria), Bidvest (South Africa), Young Africans (Tanzania), KCCA (Uganda).

Muri iyi tombola kandi hazanaba tombola yuko amakipe azahura mu marushanwa Nyafurika ahuza amakipe yabaye aya  mbere iwayo (CAF Total Champions League). Amakipe 16 azatombola uko azahura muri iki Cyiciro yamaze gushyirwa mu dukangara tuzafasha guhuza amakipe.

Agakangara 1 : Etoile Sportive du Sahel (Tunisie), Al Ahly (Egypte), Zamalek (Egypte), Mamelodi Sundowns (Afrique du Sud).

Agakangara 2 : Espérance Sportive de Tunis (Tunisie), Wydad Casablanca (Maroc), Al Hilal Omdurman (Soudan), USM Alger (Algérie).

Agakangara 3 : El Merreickh (Soudan), Coton Sport Garoua (Cameroun), Al Ahly Tripoli (Libye), AS Vita Club (RD Congo).

Agakangara 4: Zanaco (Zambie), CAPS United FC (Zimbabwe), Saint George (Ethiopie), Ferroviario (Mozambique).

CAF CL

Uko udukangara twa CAF Champions League duteye

 






TANGA IGITECYEREZO

Izina ryawe
Email yawe
Andika igitecyerezo




Inyarwanda BACKGROUND