Arsenal yamaze gusinyisha rutahizamu Lucas Perez Umunya-Esipanye wakinaga muri Deportivo La Curuna kuri miliyoni 17 z’amayero ku myaka 27 y’amavuko ndetse akaba yahise yerekwa abafana b’iyi kipe itari yarigaragaje ku isoko ry’igura n’igurisha.
Uyu musore yaciye mu makipe nka Rayo Vallecano y’abato, Dynamo Kyiv, Paok na Deportivo avuyemo agana muri Arsenal.
Lucas Perez yavuye muri Deportivo agana muri Arsenal kuri miliyoni 17 z'amayero
Mu mwaka wa 2007-2009 yakiniye Atletico Madrid C akina imikino 55 atsindamo ibitego 18, mu 2009-2011 yari muri Rayo Vallecano B akinamo imikino 44 atsindamo ibitego 25. Gusa 2010-2011 yakinnye muri Rayo Vallecano nkuru imikino 7 atsindamo igitego 1.
2011-2013 yari mu ikipe ya Karpaty Lviv akinamo imikino 51 atsindamo ibitego 14. Karpaty yaje kumutiza muri Dynamo Kyiv (2013) nta mukino n'umwe yakinnye. Yaje kuyivamo agana muri PAOK (2013-2015) akinamo imikino 32 atsindamo ibitego 9.
Lucas Perez yakiniye Atletico C
PAOK yahise imutiza muri Deportivo La Coruna (2014-2015) akinamo imikino 21 atsindamo ibitego 6. Deportivo La Curuna yaje kumugura burundu mu mwaka w'imikino 2015-2016 urangira akinnyemo imikino 37 atsindamo ibitego 18. Arsenal yamutanzeho miliyoni 17 z'amayero.
Lucas Perez w'imyaka 27 yanakinnye mu ikipe ya Paok
TANGA IGITECYEREZO