Kambale Salita yakuye Etincelles FC imbere ya Kiyovu Sports iri mu bihe bibi-AMAFOTO

Ni igitego cya cumi (10) muri shampiyona kuri Kambale Salita Gentil kapiteni wa Etincelles FC, kikaba igitego cyatumye iyi kipe y’i Rubavu izamuka ku mwanya wa munani n’amanota 29 kuko yari iya munani n’amanota 26.

Kiyovu Sport yateye koruneri ebyiri (2) mu minota 90’ mu gihe abasore ba Ruremesha Emmanuel yateye eshatu (3).Kiyovu kandi yateye coup franc eshatu(3) mu gihe Etincelles FC itabonye n’imwe.

Uyu mukino wabonetsemo ikarita imwe y’umuhondo yahawe Nsengimana Dominique umunyezamu wa Etincelles FC.

Dore uko amakipe yasimbuje:

Ruremesha Emmanuel wa Etincelles FC niwe watangiye akora impinduka akuramo, Manishimwe Yves yinjiza Bahame Alafat ku munota wa 48’.

Bahame Alafat yaje kongera gusimburwa ku munota wa 83’ asimbujwe Byamungu Cedric. Mahoro Nicolas wirukanwe muri Rayon Sports, yasimbuye Mugenzi Cedric bita Ramires ku munota wa 90’ w’umukino.

Ku ruhande rwa Kanamugire Aloys umutoza mukuru wa Kiyovu Sport, yatangiye gusimbuza ku munota wa 57’ akuramo Karimpuzu Abnidar ashyiramo Havugarurema Jean paul.

Rugamba Jean Baptiste yaje kuva mu kibuga ku munota wa 71’ asimbuwe na Nizeyimana Claude mu gihe Twizerimana Martin yinjiye mu kibuga ku munota wa 89’ asimbuye Moustapha Francis.

Undi mukino wakinirwaga kuri sitade Huye, Mukura Victory Sports yatsinze FC Marines igitego 1-0. Aya manota atatu yatumye MVS iva ku mwanya wa 12 ijya ku mwanya wa cyenda (9) n’amanota 26.

Dore uko imikino yarangiye:

Kuwa Gatandatu tariki 15 Mata 2017

*Police FC 4-1 Pepinieres FC 

*Sunrise FC 0-1 APR FC

*Espoir FC 1-0 Kirehe FC

*Amagaju FC 0-1 Bugesera FC (Mugenzi Bienvenue) 

*FC Musanze 1-1 AS Kigali (Mubumbyi Bernabe na Wayi Yeka)

Ku Cyumweru tariki 16 Mata 2017

*Gicumbi FC vs Rayon Sports (Ntabwo wakinwe)

*Mukura Victory Sport 1-0 FC Marines

*Kiyovu Sport 0-1 Etincelles FC 

SC Kiyovu mu isengesho mbere yo gutangiza umukino

Etincelles FC mu isengesho mbere yo gutangira umukino

Kambale Salita Gentil yinaga ibicu nyuma yo kwinjiza igitego

Kambale Salita Gentil yahise agwiza ibitego 10 muri shampiyona

Lomami Andre ashakisha igitego cyo kwishyura 

Gen.Mubarak Muganga yari ku mukino

Mbonyingabo Regis myugarieo wa Etincelles FC akanaba murumuna wa Mugiraneza Jean Baptiste Miggy ukinira Gormahia FC (Kenya)

Niyitegeka Idrissa ukina hagati muri Kiyovu Sport wanahushije igitego ku munota wa 60'

Kikamba Ismael ukina hagati muri Etrincelles FC akanaba mukuru wa Nizeyimana Mirafa ukina hagati muri Police FC

Etincelles FC yishimira igitego

AMAFOTO: Saddam MIHIGO/INYARWANDA.COM