Ku gicamunsi cy’iki Cyumweru dusoje ni bwo ikipe ya United Stars FC yo mu murenge wa Kabagali mu Karere ka Ruhango yatsindaga Vision Jeunnesse Nouvelle mu Karere ka Rubavu mu murenge wa Gisenyi ibitego 2-1 mu mukino wabereye mu Kabagali.
Ni umukino wari uw’umunsi wa 10 wa shampiyona y’icyiciro cya kabiri by’umwihariko mu itsinda rya kabiri (B). Umukino United Stars bakinnye bari ku mwanya wa Gatandatu bagahita bazamuka ku mwanya wa Gatanu n’amanota 15 mu mikino icyenda bamaze gukina muri uyu mwaka.
Ibitego bya United Stars yo mu Kabagali byatsinzwe na Gerard Habugusenga kuri coup franc yateye ku munota wa 12’ w’umukino mbere y’uko Olivier Nshimyumuremyi Olivier asongamo ikindi ku munota wa 50’ kuri penality nyuma yuko myugariro wa Vision JN yari akoze umupira mu rubuga rw’amahina. Igitego cy’impozamarira cya Vision JN ni cyo cyanafunguye amazamu ku munota wa cyenda (9’) gitsinzwe na Niyonsenga Aphrodice.
Muri uyu mukino wari wiganjemo amahane menshi aterwa n’abakinnyi ba Vision JN, umusifuzi yakunze gutanga amakarita y’umuhondo agira ngo ahoshe ubukana bw’aba bana bari bakoze urugendo rwa Gisenyi-Kabagali ariko umukino n’ubundi urangira bakitotomba ko yabibye kandi ko abakinnyi ba United Stars bakunze kwiryamisha akabareka.
Ikindi cyabaye kuri iki kibuga kiba kizengurutswe n’abafana baba bicaye ku migunguzi izengurutse iki kibuga abandi begereye imirongo y’ikibuga, Nshimyumremyi Olivier wa United Stars yaguye mu igare ry’umufana rimukomeretsa umukaba w’ikibuno nyuma yuko yashakaga umupira abyigana na Niyonkuru Hussein myugariro wa Vision JN.
Niyonkuru Hussein wa Vision JN (umukara n'icyatsi) asunika Nshimuremyi Olivier (umuhondo) wa United Stars
Nshimyumuremyi yaramanutse agwa ku musumali (Umusingi) ufata amareyo y'imbere mu igare
Nshimyumuremyi yihandura umusingi wari wamwinjiye
Ububabare bwari bwose kuri Nshimyumuremyi wari umaze gutsinda penaliti
Abaganga bahise batabara n'umusifuzi ajya kureba
Bahise bamwegura ubona ko akibabara
Mu yindi mikino yabaye mu itsinda rya kabiri (B), kuwa Gatandatu tariki 13 Mutarama 2018 ni bwo Heroes FC yatsinzwe na AS MUhanga ibitego 4-1, Rugende FC inganya na Interforce FC ibitego 2-2, UR FC inyangirwa na Intare FA ibitego 8-1 ari nako La Jeunesse itsinda Hope FC ibitego 3-0.
Mu itsinda rya mbere (A), Unity SC yanyagiye Gasabo United ibitego 3-0, Sorwathe FC itsinda Aspor FC igitego 1-0, Nyagatare FC inyanganya na Gitinyoni FC ibitego 2-2, Esperence FC itsinda Rwamagana City ibitego 3-2 ari nako Etoile de l’Est yagwaga miswi na Vision FC bakanganya igitego 1-1. Pepinieres FC yanyagiye Akagera FC ibitego 8-1.
Dore uko imikino yagenze:
Kuwa Gatandatu tariki 13 Mutarama 2018:
Group A
-Unity Fc 3-0 Gasabo United
-Sorwathe Fc 1-0 Aspor Fc
-Nyagatare Fc 2-2 Gitikinyoni F
-Esperance 3-2 Rwamagana City
-Etoile de l’est 1-1 Vision Fc
Ku Cyumweru tariki 14 Mutarama 2018
-Pepiniere 8-1 Akagera Fc
Group B
Kuwa Gatandatu tariki 13 Mutarama 2018
-Heroes Fc 1-4 AS Muhanga
-Rugende FC 2-2 Interfoce Fc
-UR Fc 1-8 Intare Fc
-La Jeunesse 3-0 Hope Fc
Ku Cyumweru tariki 14 Mutarama 2018
-United Stars 2-1 Vision JN
Niyonkuru Daniel wa United Stars akinira hasi
Umusifuzi wo hagati byamutwaye igihe kinini atanga amakarita
Abafana bitegeye ikibuga
Nshimyumuremyi Olivier 9 mu kirere ashaka igitego cy'umutwe
United Stars bishimira igitego cya kabiri
Mugisha Eric umunyezamu wa United Stars akuramo igitego cyari cyabazwe
Umubyeyi ubyara Mugisha Eric umunyezamu wa United Stars ubwo yari amaze gukuramo igitego cyabazwe
Mukunzi Chrysologue wa Vision JN yugarira
Dusingizemungu Ramadhan bita Maicon (ubanza iburyo) agaragara nk'umusaza nyamara ngo afite imyaka 20
Nsabimana Djihad kapiteni wa Vision JN
Umukino warimo ishyaka n'ubwitange
Kimwe n'indi mikino imwe n'imwe y'icyiciro cya 2 umukinnyi aragwa umusifuzi akerekana ko hakenewe ingobyi ariko ntayo wabonga hafi aho
Umukinnyi asohorwa mu maboko y'abaganga cyangwa abakinnyi
Ku ntebe y'abasimbura ba United Stars baba biyambariye amakoti ya FEASSA 2017
Ikikubwira ko umukino urangiye nuko abafana bamanuka mu kibuga
Vision JN bafata urugendo rwa Kabagali-Rubavu
Abanyakabagali ku musozi basuubira mu ngo
Niyibikora Seth (ubanza ibumoso) umutoza uzamura abana muri Ruhango yiforanya n'abakinnyi yazamuye bakaba bakina muri United Stars
United Stars yo mu Kabagali bafata ifoto nyuma y'umukino
No | Team | Pg | W | D | L | GF | GA | GD | PTS |
1 | Sorwathe Fc | 10 | 06 | 04 | 00 | 20 | 05 | 15 | 22 |
2 | Pepiniere Fc | 09 | 06 | 02 | 01 | 20 | 05 | 15 | 20 |
3 | Rwamagana | 10 | 05 | 03 | 02 | 21 | 11 | 10 | 18 |
4 | Unity SC | 10 | 04 | 04 | 02 | 21 | 10 | 11 | 16 |
5 | Vision Fc | 09 | 04 | 04 | 01 | 18 | 09 | 9 | 16 |
6 | Etoile de l’est | 08 | 04 | 02 | 02 | 14 | 07 | 07 | 14 |
7 | Aspor Fc | 10 | 04 | 01 | 05 | 16 | 10 | 06 | 13 |
8 | Gasabo Fc | 09 | 04 | 00 | 05 | 07 | 11 | -4 | 12 |
9 | Giticyinyoni | 10 | 02 | 03 | 05 | 08 | 17 | -9 | 09 |
10 | Esperance SK | 10 | 04 | 00 | 06 | 10 | 21 | -11 | 09 |
11 | Akagera Fc | 10 | 01 | 01 | 08 | 07 | 40 | -33 | 04 |
12 | Nyagatare Fc | 08 | 00 | 02 | 06 | 05 | 17 | -12 | 02 |
No | Team | Pg | W | D | L | GF | GA | GD | PTS |
1 | Intare Fc | 10 | 08 | 00 | 02 | 31 | 06 | 25 | 24 |
2 | AS Muhanga | 08 | 06 | 01 | 01 | 23 | 05 | 18 | 19 |
3 | La Jeunesse | 08 | 05 | 01 | 02 | 13 | 05 | 08 | 16 |
4 | Vision JN | 09 | 03 | 04 | 02 | 12 | 09 | 03 | 13 |
5 | United Stars | 09 | 04 | 03 | 02 | 12 | 13 | -1 | 15 |
6 | Hope Fc | 09 | 03 | 03 | 03 | 05 | 08 | -3 | 12 |
7 | Heroes Fc | 09 | 03 | 02 | 04 | 10 | 12 | -2 | 11 |
8 | Interforce Fc | 09 | 02 | 02 | 05 | 13 | 14 | -1 | 08 |
9 | Rugende Fc | 09 | 02 | 02 | 05 | 07 | 15 | -8 | 08 |
10 | SEC Fc | 09 | 02 | 00 | 07 | 08 | 33 | -25 | 06 |
11 | UR Fc | 07 | 01 | 00 | 06 | 05 | 19 | -14 | 03 |
AMAFOTO: Saddam MIHIGO (Inyarwanda.com)
TANGA IGITECYEREZO