Jean Marie Ntagwabira yagizwe umuyobozi wa tekiniki mu ikipe ya Sunrise

Amakuru dukesha urubuga rwa IGIHE, avuga ko Habanabakize Fabrice, umuyobozi wa Sunrise yemeje ko komite y’iyi kipe yateranye mu rwego rwo kuzuza imyanya yaburaga maze Ntagwabira Jean Marie ahabwa ubuyobozi bwa tekiniki muri iyi kipe.

Habanabakize avuga ko Jean Marie Ntagwabira azaba ashinzwe guhuza ibikorwa bya tekiniki muri iyi kipe ndetse no gukurikira ibikorwa by’abatoza umunsi ku wundi.

Yagize ati “ Ntagwabira azajya akorana n’abatoza anabakurikirane mu kazi kabo ka buri munsi nkuko bisanzwe mu nshingano z’umuyobozi wa tekiniki no kumenya abakinnyi beza bakina muri Sunrise.”

Ntagwabira Jean Marie yasinye amasezerano y’imyaka ibiri aho azajya akurikirana ndetse anashake abana bo mu ntara y’uburasirazuba bashobora kuba abakinnyi ba Sunrise mu gihe kiri imbere dore ko buri karere k’iyi ntara gafite ikigo cyigisha umupira w’amaguru abana bakiri bato.

Gatera Musa niwe uzakomeza kuba umutoza mukuru w’ikipe ya Sunrise