Jacques Tuyisenge rutahizamu w’umunyarwanda ukinira ikipe ya Gormahia FC iri mu cyiciro cya mbere muri shampiyona ya Kenya, yamaze kongera amasezerano y’imyaka ibiri azakomeza kuba akinira iyi kipe.
Aya masezerano azamugeza mu 2019 ayasinye nyuma yo kuba yari asoje indi myaka ibiri (2) akinira iyi kipe imaze gutwara ibikombe 16 bya shampiyona ya Kenya.
Ku rubuga rwa Twitter rw'ikipe ya Gormahia FC, bavuze ko amasezerano y'uyu musore yari kuzarangirana n'Ukuboza 2017 ariko ubuyobozi bw'ikipe bwahisemo kongera amasezerano ye bitewe n'ibikorwa yageje ku ikipe.
Ubutumwa buri kuri Twitter ya Gormahia FC
Tuyisenge w’imyaka 26, yageze muri Gormahia FC mu mwaka w’imikino 2015-2016 avuye muri Police FC yakiniye kuva mu 2011-2015 ubwo yari avuye muri Kiyovu Sport.
Kongera amasezerano kwa Tuyisenge umaze gushyitsa ibitego 13 muri shampiyona ya Kenya, birakuraho amakuru yavugwaga ko yashoboraga kuza muri APR FC muri Mutarama 2018.
Eng
RSS 
TANGA IGITECYEREZO