BREAKING: Ivan Minaert watozaga Mukura Victory Sport yageze muri shampiyona ya Guinea Conakry-AMAFOTO

Ku mugoroba wo kuri iki Cyumweru tariki 11 Kamena 2017 ni bwo uyu mugabo yeretswe abakinnyi b’iyi kipe ndetse anambaye umwambaro w’icyatsi iyi kipe izwiho. Minaert yahagurutse mu Rwanda ku mugoroba wo kuwa Gatanu tariki 9 Kamena 2017 agana i Conakry mu biganiro n’ubuyobozi bw’ikipe ya AS Kaloum.

Mu kiganiro kigufi yagiranye na INYARWANDA, Ivan Minaert yavuze ko nyuma yo kugera muri AS Kaloum Star yakiriwe neza ndetse akerekwa abakinnyi akaganira nabo.

“Nagezeyo baranyakira kuko bari bantumyeho ngo twihutishe gahunda. Narahageze nganira n’abayobozi ba AS Kaloum bigenda neza.  Ibintu byose navuga ko biri mu buryo bwiza igisigaye nuko ngomba gusinya amasezerano kuri uyu wa Mbere  tariki 12 Kamena 2017”. Ivan Minaert

Kimwe mu byatumye Minaert yihutira kugana muri AS Kaloum ngo nuko ubuyobozi bw’ikipe ya Mukura Victory Sport bwakomeje kumushyira ku cyizere ko bazaganira ibijyanye n’amasezeranom mashya muri Nzeli 2017 bityo we ngo akabona ko ari ibinyoma.

Ivan Minaert yageze muri Mukura Victory Sport kuwa 30 Mutarama 2017 nyuma yo kuba yari yatandukanye na AFC Leopards (Kenya), ikipe yari yagezemo avuye muri Rayon Sports. Mu gihe shampiyona ya Guinea Cobnakry igeze ku munsi wa 20 wa shampiyona, AS Kaloum iri ku mwanya wa gatandatu (6) n'amanota 26 mu mikino 20. Horoya iri ku mwanya wa mbere n'amanota 41 mu mikino 15 imaze gukina.

Ivan Minaert aganira n'abanyamakuru bamusanze ku myitozo ya AS Kaloum

Ivan Minaert asuhuzanya n'abakinnyi ba AS Kaloum

Ivan Minaert aganira n'abo yasanze mu ikipe