Umutoza Carlo Ancelotti uzwi ku gatazirano ka Carletto yamaze gusabwa kuba umutoza mukuru w'ikipe y'igihugu y'umupira w'amaguru mu Butaliyani bikaba byitezwe ko mu gihe ari bubyemererwe ari butangirane n'imyiteguro y'imikino ya gicuti izabahuza n'ikipe z'ibigugu harimo na France.
Umutoza Carlo Ancelotti aherutse kwirukanwa mu ikipe ya Bayern Munich kubwo umusaruro utari mwiza nyuma yo gutsindwa 3-0 n'ikipe ya Paris Saint-Germain. Ikipe y'igihugu cy'u Butaliyani ikomeje guhinduranya abatoza umwaka ku wundi dufatiye hafi aha kuva 2016 ubwo Antonio Conte yasezererwaga mu gikombe cy'u Burayi, hakurikiyeho Gian Piero Ventura 2016–2017 na Luigi Di Biagio ubu wari uyifite.
Ikipe y'u Butaliyani iri kwitegura imikino ya gicuti izabahuza n'amakipe akomeye harimo n'umukino w'ikipe y'igihugu y'u Bufaransa tariki ya 1 Kamena 2018, byitezwe ko azanagaragara mu rugendo rwo kwitegura igikombe cy'uburayi (Euro) kizaba 2018. Ubwo ikipe y'igihugu cy'u Butaliyani iheruka muri iki gikombe yasezerewe n'u Budage muri 1/4 aho banganije 1-1 hakitabazwa Penality 5-6 z'u Budage.
Umutoza Carlo Ancelotti niyemererwa gutoza iyi kipe azaba asimbuye Luigi Di Biagio wari uyifite. Ku rutonde ngaruka kwezi rwa FIFA ikipe yu Butaliyani iri ku mwanya wa 20.
Luigi Di Biagio watozaga u Butaliyani
Carlo Ancelotti yatoje amakipe y'ibihangage ku isi harimo Bayern Munich, Real Madrid na Milan yo mu Butaliyani, akaba yaherukaga ku ntebe y'ubutoza mu ikipe ya Bayern Munich muri shampiyona y'umwaka ushize mu gihugu cyu Budage.
Eng
RSS 
TANGA IGITECYEREZO