Ismaila Diarra wari rutahizamu w’ikipe ya Rayon Sports yumvikanye n’ikipe ya Chabab Ahly Bordj Bou Arredj (CABBA FC) iri mu cyiciro cya mbere yaherukagamo mu mwaka w’imikino 2012-2013 imwemerera amasezerano y’imyaka itatu (3).
Ni amasezerano abonye nyuma yo kuba yaritwaye neza mu mukino Rayon Sports iheruka gukina na USM Alger bakanganya igitego 1-1 mu mikino ya Tota Confederation Cup 2018. Igitego cya Rayon Sports cyatsinzwe na Ismaila Diarra ku munota wa 28’.
Ikinyamakuru DZFoot kivuga ko uyu musore ikipe ya CABBA FC yanyuzwe n’uburyo adatinda kureba mu izamu ndetse n’igihagararo afite kimufasha kuba yatindana umupira ashaka igitego.
Mu myaka itatu (3) yasinye muri iyi kipe azajya ahembwa ibihumbi 12 by’amadolari ya Amerika (12.000 US$). Ismaila Diarra w’imyaka 26 yari amaze umwaka w’imikino muri Rayon Sports nyuma yo kuba yari yayigarutsemo avuye muri DCMP (DR Congo), agannye muri CABBA FC yashinzwe mu 1931.
Ismaila Diarra mu mwambaro wa CABBA FC
CABBA FC yabonye itike iyizamura mu cyiciro cya mbere cy’umwaka w’imikino 2018-2019, yaherukaga mu cyiciro cya mbere mu mwaka w’imikino 2012-2013 ubwo yari yasoje ku mwanya wa 13. Umwaka wakurikiyeho 2013-2014 yaramanutse kuko yari yasoje ku mwanya wa 15. Muri uyu mwaka w’imikino yasoje ku mwanya wa gatatu mu cyiciro cya kabiri ihita izamuka.
Eng
RSS 
TANGA IGITECYEREZO